လူငယ်တွေ စာဖတ်ကြသလား

ဒီကနေ့လူငယ်တွေ စာဖတ်ကြသလား။

လူငယ်တွေဆိုရာမှာ အများစုကိုပြောတာပါ။ ဒီလိုမေးခွန်းထုတ်ရင် ရုတ်တရက်အနာပေါ် တုတ်ကျသလိုဖြစ် ကြလိမ့်မယ်။ စာဖတ်တာပေါ့။ စာဖတ်လို့ဘွဲ့တွေ၊ ဒီပလိုမာတွေ၊ အလုပ်ခွင်ကျွမ်းကျင်မှု သင်တန်း လက် မှတ်တွေတောင် ရခဲ့ပြီပဲ။ အပိုလုပ်မေးခွန်းထုတ်နေရသေးတယ်။ အံ့ဖွယ်သုတပဲလို့ ကွယ်ရာမှာပြက် ရယ်ပြုနေကြမှာ မြင်ယောင်နေမိပါတယ်။

အပေါ်ယံကြောပြောရင် ဟုတ်တာပေါ့။ စာတွေအထိုက်အလျှောက်ဖတ်ခဲ့ (အမှန်တကယ် ပြောရရင် ကိုယ်ပိုင်စိတ်ကူးဉာဏ် ဘာမှ မစိုက်ထုတ်ဘဲ၊ ကြက်တူရွေးလို ဘုမသိ၊ ဘမသိ ကျက်မှတ်ဖြေဆိုခဲ့) လို့၊ အတန်း စာမေးပွဲတွေ တစ်ဆင့်ချင်းအောင်လို့၊ ပန်းတိုင်လို့ ထင်ယောင်ထင်မှားနေတဲ့ ဘွဲ့ဒီဂရီ၊ ဒီပလိုမာ တွေရခဲ့တာပေါ့လို့ ယေဘုယျပြောနိုင်ပါတယ်။ ဒါပေမဲ့အဲဒါတွေက သင်ယူတတ်မြောက်ခဲ့တဲ့ (သင်စာ) တွေပါ။ ပညာမဟုတ်သေးပါဘူး။ တကယ့်ပညာဆိုတာက အဖိုးတန် ရတနာလိုပဲ မြေလွှာရဲ့ အပေါ်ယံ ကြောမှာရှိတာမှ မဟုတ်တာ။ တန်ဖိုးရှိတဲ့ကျောက်မျက်ရတနာဖြစ်လေ ခပ်နက်နက် တူးဆွ ရှာဖွေရလေ မဟုတ်လား။

တကယ်ဆိုရင် ကျောင်းတွေတက္ကသိုလ်ကောလိပ်တွေက ရရှိလာတဲ့ပညာတွေဟာ လူ့ဘဝလျှောက် လမ်းမှာ အသုံးချဖို့ အခြေခံ လက်နက်ကိရိယာတွေလောက်ပဲ ရှိပါတယ်။ တကယ့်ပညာဆိုတာက ဘဝ ထဲက၊ လူတွေထဲက၊ အတွေ့အကြုံတွေ အလေ့အထုံ တွေထဲက၊ စာအုပ်တွေထဲက ကျားကုတ် ကျားခဲ လေ့လာဆည်းပူးသင်ယူရတာမျိုးပါ။ ဘဝလမ်းထဲ ဖြတ်သန်းရင်း မမျှော်လင့်တဲ့ အခက်အခဲ အတား အဆီးမျိုးဆီကလည်း ပညာတွေရနိုင်တယ်။ လူအကြောင်းပေါင်းမှသိဆိုသလို တစ်ဦးနဲ့တစ်ဦး ပေါင်း သင်းဆက်ဆံကြည့်တဲ့အခါမှ ကောင်းကျိုး ဆိုးပြစ်နဲ့ စိတ်သဘောထားအမှန်ကိုသိရှိပြီး လူမှုဆက်ဆံရေး ပညာရလာမှာဖြစ်ပါတယ်။

ဆက်ပြောရရင် ဘဝလမ်းမှာအတွေ့အကြုံဆိုတာ သိပ်အရေးကြီးပါတယ်။ အသက်အရွယ်ကြီးသူတွေ မှအတွေ့အကြုံရှိတာမဟုတ်ပါဘူး။ ငယ်သူတို့မှာလည်း မိမိတို့အသက်အရွယ်အလျောက် ထိုက်သင့် တဲ့အတွေ့အကြုံတွေရှိကြမှာ မလွဲပါဘူး။ မှန်တယ် မှားတယ်၊ ကောင်းတယ် ဆိုးတယ်ဆိုတာကို ခွဲခြား တတ်ဖို့ပဲလိုပါတယ်။ နောက်ဆုံးပြောရရင် တကယ့်ပညာအစစ်ကို စာအုပ်တွေထဲက ရနိုင်တာဟာ ထုထည် ပမာဏ အကြီးမားဆုံးပါပဲ။ စာများများဖတ်နိုင်လေ ပညာများများရလေပဲ။ စာအုပ်စာပေဟာ ပညာဆိုတဲ့ ရတနာ ဘဏ္ဍာသိုက်တွေပါပဲ။ တကယ့်ရတနာအစစ်တွေက စာအုပ်ထဲမှာ တိတ်တဆိတ် ကိန်းအောင်းနေ ကြတာပါနော်။

ဒီကနေ့ လူငယ်အများစုကိုကြည့်ရင် . . .

စာတော့ဖတ်ကြပါရဲ့ စာအုပ်စာပေဆိုတဲ့ Printed Media စာမျက်နှာပေါ်က စာတွေမဟုတ်ဘူး။ Electronic media လို့ခေါ်တဲ့ ဖန်သားပြင်ပေါ်က စာတွေဖြစ်နေတာများပါတယ်။ On Line အင်တာ နက်ပေါ်က၊ Face Book စာမျက်နှာတွေ၊ Blog စာမျက်နှာတွေ၊ ချက်တင်နဲ့ E.mail G.mail တွေပေါ်က စာမျက်နှာတွေထဲမှာပဲ သာယာပြီးတဝဲလည်လည်ဖြစ်နေကြတယ်။ ခေတ်မီဖွံ့ဖြိုးတိုးတက် လာတဲ့ စက်မှုနည်းပညာတွေကို အသုံးပြုထားတာမို့ အရာရာမှာ လျင်မြန်သွက်လက်မှုရှိတာ အံ့ဘနန်း ပေမယ့် မဆန်းပါဘူး။

ခလုတ်ကလေးနှိပ်လိုက်တာနဲ့ ကိုယ့်မျက်စိရှေ့ဖတ်လိုတာတွေ ရောက်လာမယ်။ ခုဆိုရင်ခလုတ်တောင်နှိပ် စရာ မလိုတော့ပါဘူး။ လက်ကိုင်ဖုန်း၊ အိုင်ဖုန်း၊ အိုင်ပက်တွေရဲ့ ဖန်သားမျက်နှာပြင်ကို လက်ကလေးနဲ့ တို့ထိ ပွတ်ဆွဲလိုက်ရုံနဲ့ ဖတ်စရာတွေ ဖျတ်ခနဲဖျတ်ခနဲပေါ်လာ တော့တာပဲ မဟုတ်လား။


ဒီနေရာမှာလည်း . . . . သုံးတတ်ရင်ဆေး၊ မသုံးတတ်ရင် ဘေးဆိုသလို လမ်းမှား မရောက်အောင်၊ တလွဲ ဆံပင်ကောင်း မဖြစ်အောင် အသိတရားနဲ့ သတိထားချွန်းအုပ်၊ ထိန်းချုပ်နိုင်ပါမှ တန်ကာကျပါ မယ်။ တစ်ခုပြောစရာရှိတာက အဲဒီကနေတစ်ဆင့် အချိန်ပေးပြီး ရှည်ရှည်လျားလျား၊ ကျယ်ကျယ်ပြန့် ပြန့် ဆည်းပူးလေ့လာနေကြသူတွေ သိပ်မတွေ့ရဘူး။ အများစုကတော့ နောက်ဆုံးပေါ် သီချင်းတွေ၊ သတင်းတွေ၊ ပြီတီတီ အီစီကလီတွေနဲ့သာ ခေတ်မီမီ ယစ်မူးပျော်ပိုက် အငိုက်မိနေကြတာပါပဲ။ ဒါကိုပဲ တချို့ကတလွဲ အဓိပ္ပာယ် ကောက်ယူနေကြတယ်။ ကျွန်တော်တို့ ကျွန်မတို့တွေ စာဖတ်ကြတာပေါ့။ ဒါဟာ တကယ့်ပညာအစစ်အမှန်ကို လိုလိုလားလား တပ်တပ်မက်မက်၊ နက်နက်ရှိုင်းရှိုင်း လေ့လာ ဆည်းပူးနေ သလား၊ သင်ယူနေသလားဆိုတာ ကိုယ့်ကိုယ်ကိုယ်ပြန်လည် မေးခွန်းထုတ်၊ အမှန်အတိုင်း ဝန်ခံတတ်ရင် အဖြေမှန်ဟာ ကိုယ့်အနားမှာပဲ ရှိတယ်ဆိုတာ တွေ့ရှိရမှာမလွဲပါဘူး။

ပြောရရင် . . . အဲဒါတွေက အများစုက သုတစာပေတွေလို့ ဆိုနိုင်ပါတယ်။ သုတ စာပေဆိုတာက လူတစ်ယောက်ရဲ့ ဉာဏ်ရည် ဉာဏ်သွေးနဲ့ ဦးနှောက်ဖွံ့ဖြိုးမှုကို အထောက်အကူပြုပါတယ်။ ထူးချွန် ထက်မြက်ဖို့ လက်နက်ကောင်းတွေပါ။ ဒါပေမဲ့ လူတစ်ယောက်အဖို့ ထူးချွန်ထက်မြက်နေရုံနဲ့ မပြီးပါဘူး။

အင်္ဂါမစုံပါဘူး။ တန်ဖိုးရှိရှိ အသုံးချတတ်ဖို့၊ ယဉ်ကျေးသိမ်မွေ့ဖို့၊ လူအကြောင်း၊ လောကအကြောင်း လည်း သိဖို့လိုအပ်ပါသေးတယ်။ စိတ်နှလုံးနူးညံ့ဖို့၊ လူလူချင်း အကြင်နာတရား ကရုဏာတရား၊ မုဒိတာတရား ထားတတ်ဖို့ လိုအပ်ပါသေးတယ်။

ကောင်းပြီ။ လူတစ်ယောက်ဆိုပါစို့။ ဘယ်လောက် ထူးချွန်ထက်မြက်နေပါစေ။ နှလုံးသားယဉ်ကျေးမှုနဲ့ ကင်းမဲ့သူတစ်ယောက်ဖြစ်နေရင် ဘာမှတန်ဖိုးမရှိဘူး။ နှလုံးသားလှပဖို့လည်း လိုအပ်ပါပေရဲ့။ ဒါဆိုရင် ကျွန်တော်တို့ ဘာလုပ်ရမလဲ။

နည်းလမ်းရှိပါတယ်။ အလွယ်ကလေးပါ။

ဦးနှောက်ကို တောက်ပလာအောင် သုတစာပေက လုပ်ပေးနိုင်သလိုပဲ။ နှလုံးသားလှပလာအောင် ရသစာပေက ပြုပြင်ပြောင်းလဲပေးနိုင်တာ အမှန်အကန်ပါပဲ။ ဒါကြောင့်ဒီကနေ့ ခေတ်လူငယ်တွေ ကို ပြောချင်၊ တိုက်တွန်းချင်တာက သုတစာပေတွေကို အလေးထားသလို၊ ရသစာပေတွေကိုလည်း မြတ်နိုး စွာဖတ်ရှုကြဖို့ပါပဲ။

မကြားသေးပါဘူး။ တစ်လောတုန်းကပါပဲ။

အကြောင်းတရား တိုက်ဆိုင်လာတာလေး တစ်ခုပြောပါရစေ။

လစာတွေအထိုက်အလျောက် ခပ်များများပေးတဲ့ ကုမ္ပဏီကြီးကြီးတစ်ခုမှာ အလုပ်လုပ်နေတဲ့ မိတ်ဆွေ တစ်ယောက်နဲ့တွေ့ပြီး စကားလက်ဆုံကျကြတော့၊ သူကသူ့အတွေ့အကြုံတွေ ပြောပြပါတယ်။ အံ့သြ စရာပါ။

သူငယ်ချင်းရေ . . . ကိုယ်တို့ကုမ္ပဏီ ကိုယ်တို့ဌာနက လူငယ်တွေစာမဖတ်ကြဘူးတဲ့။ သူဘာကို ရည်ညွှန်း တယ်ဆိုတာ ကျွန်တော်ကောင်းကောင်းကြီး ရိပ်စား နားလည်ပါတယ်။ ဒါကြောင့်လက်တော့ပ် တွေ၊ တယ်လီဖုန်းတွေ၊ အိုင်ဖုန်းတွေ၊ အိုင်ပက်တွေပေါ်က စာလုံးတွေနဲ့ပဲ နပန်းလုံးနေကြတာမဟုတ် လားလို့ ပြန်မေးလိုက်မိပါတယ်။

ဒီတော့သူငယ်ချင်းကပြုံးတယ်။ သိပ်ဟုတ်တာပေါ့။ တစ်ချိန်လုံးအဲဒါတွေနဲ့ပဲလှိမ့်ပြီး အချိန်ဖြုန်းနေကြ တာ။ ကိုယ့်ကိုထမင်းကျွေးတဲ့ အလုပ်ထဲတောင် အဲသလောက်စိတ်မဝင်စားကြဘူး။ ဘာတွေများ အဲဒီ အထိ ဆွဲဆောင်နေကြတာလဲလို့ တီးခေါက်လိုက်တော့ အရည်မရအဖတ်မရတွေပါဗျာလို့ စိတ်ပျက် လက်ပျက်ပြန်ဖြေရှာတယ်။ ပြီးတော့သူငယ်ချင်းက ဆက်ပြောတယ်။

သူတို့ကို စာအုပ်တွေ၊ ဂျာနယ်မဂ္ဂဇင်းတွေ၊ သတင်းစာတွေဖတ်ကြဖို့ တိုက်တွန်းတော့ပြုံးတုံးတုံး နဲ့ နှာခေါင်းရှုံ့ကြတယ်။ မဖတ်ချင်ကြရုံ မကဘူး။ လုံးဝကိုခေါင်းခါကြတာ။ ဖတ်တယ်ဆိုလည်း ခရီးသွား ဟန်လွှဲ ခဏတစ်ဖြုတ်ပဲ။ အပျင်းပြေ၊ အရုပ်ကြည့်၊ ကာတွန်း ဖတ်သလောက်ပဲ။ ဒီတော့ အဲဒီလူငယ် တွေ ဟာ ဘာဖြစ်လာသလဲဆိုရင် ပါးရည်နပ်ရည်တော့ ရှိကြပါရဲ့၊ လိမ္မာယဉ်ကျေးခြင်းဘက်မှာ အားနည်းလာကြ တယ်။ နူးညံ့သိမ်မွေ့ခြင်းလည်း ကင်းလာကြတယ်။ အထက်လူကြီးမဆိုထားနဲ့ ကိုယ့်ထက်အသက်ကြီးတဲ့ လူတွေကိုလည်း ရိုသေလေးစားရကောင်းမှန်း မသိကြဘူး။ စကားတွေဟောင်ဖွာ ဟောင်ဖွာနဲ့ ဝိုင်းဖွဲ့ပြီး သာလာယံဇရပ်ထဲရယ်သလို၊ ဟက်ဟက်ပက်ပက် ရယ်ချင်ရယ်နေတတ်ကြ တယ်။

တချို့ဆို နားကြပ်နဲ့သီချင်းနားထောင်ရင်း သီးချင်းတွေတောင်ဆိုလို့။ လူကြီးလာရင်တော့ ချိုကုပ်နေ တတ်ကြတယ်။ အလုပ်ပြုတ်မှာစိုးတာကိုး။

ပေါ့ပေါ့နေ ပေါ့ပေါ့စားတွေပဲ။ ဘယ်အရာပေါ်မှာမှ အလေးအနက်မထားဘူး။ ဒီအလုပ်ရလာကြတာ လည်း ပတ်သက်ရာ ပတ်သက်ကြောင်းတွေနဲ့ ဆက်နွှယ်ပြီး ရလာကြတာဆိုတော့ သူတို့အနာဂတ်ကို တွေးပြီး ရင်လေးမိတယ်ဗျာလို့ ညည်းပြောပြော သွားပါလေရဲ့။

သူငယ်ချင်း ရင်ဖွင့်သွားတာ ဟုတ်မှာပါ။

ဒီကနေ့ အလုပ်ခွင်ကရော၊ ပြင်ပကပါ လူငယ်တွေအတော်များများကို ကျွန်တော်တို့တွေ့နေရတာ ပဲ။ တော်ကြပါပေရဲ့။

ထက်ကြပါပေရဲ့။ ဒါပေမဲ့လူကို လူမှန်းသိဖို့၊ ယဉ်ကျေးသိမ်မွေ့ဖို့၊ နှလုံးသားနူးညံ့ဖို့အပိုင်းမှာ အတော် ကြီးချွတ်ခြုံကျအားနည်းနေတာ မြင်တွေ့နေရပါတယ်။

ဒါဟာမဆန်းပါဘူး။

ခြေရာခံ ကောက်ချက်ချကြည့်ရင် ရှင်းရှင်းလေးပဲ။ သူတို့တစ်တွေ သုတစာပေတွေဖတ်ကြလို့ ဦးနှောက်ပိုင်း မှာ ထူးချွန်ထက်မြက်ကြပေမယ့် ရသစာပေနဲ့ ထိတွေ့မှုနည်းပါးပြီး မယဉ်ပါးကြတာ ကြောင့် နှလုံးသားပိုင်း မှာ ကြမ်းရှလာနေကြတာပဲ။ ဒါဟာအခြေခံအကြောင်းရင်းပဲလို့ တွေးမိပါတယ်။

ဒါကြောင့် . . . လူငယ်တွေစာဖတ်ကြပါ။ သုတစာပေတွေ ဖတ်ကြသလို ကဗျာ၊ ဝတ္ထု၊ အနုပညာအစရှိ တဲ့ရသစာပေတွေလည်း ဖတ်ကြဖို့ တိုက်တွန်းနိုးဆော်ရင်း . . . နှလုံးသားလှလှနဲ့ အနာဂတ်ဘဝကို ရယူ ပိုင်ဆိုင်ကြပါစေကြောင်း မေတ္တာရည် လောင်းလိုက်ရပါတယ်။ ။

စံတော်ချိန်သတင်းစာ
အတွဲ(၂)၊ အမှတ်(၃၅၄)၊ ဧပြီလ (၂) ရက်၊ ၂၀၁၄ ခုနှစ်

ဆက်စပ်ဖတ်ရှုရန် အကြောင်းအရာများ...