အသက်ရှည်ခြင်း၏ လျှို့ဝှက်ချက်
အသက်ကလေးရယ် ရှည်စေလို မန်းတောင်ရိပ်ခိုစရာ မလိုပါ။ နေ့စဉ် နာရီဝက် (အပြေး၊ လမ်းလျှောက်၊ စက်ဘီးစီး) လေ့ကျင့်ခန်း လုပ်ဖို့သာ လိုပါတယ်။ လေ့ကျင့်ခန်းလုပ်တာ အသက်ကို ရှည်စေပါတယ်။ လူအများက လေ့ကျင့်ခန်းလုပ်ဖို့ အချိန်မရှိ ဘူးလို့ ဆင်ခြေပေးကြတယ်။ အိမ်အလုပ်၊ ရုံးအလုပ်၊ ပရိယေသန ဝမ်းရေး အလုပ်တွေနဲ့ နေ့စဉ်အလုပ်ရှုပ်နေလို့ အားကစားရုံသွားဖို့၊ ကာယလေ့ကျင့်ခန်း တစ်ခုခုလုပ်ဖို့ အချိန်မရှိဘူး ဆိုရင် တိုက်ပေါ်ကို ရိုးရိုးလှေကားနဲ့တက်ပါ။ ဓာတ်လှေကား မသုံးပါနဲ့။ သုံးမိုင်လောက် ခရီးဝေးကို ကားမစီးဘဲ လမ်းလျှောက်ပါ။ ကိုယ့်အိမ်ရှေ့ မြက်ခင်းပြင်ကို ကိုယ်တိုင်ရိတ်ဖြတ်ရာမှာ လက်နဲ့ကိုင်ပြီးဖြတ်ရတဲ့ မြက်ရိတ်စက်သုံးပါ။ ကြမ်းပြင်ကို ဖုန်စုပ်စက်အစား တံမြက်စည်းနဲ့လှည်းပါ။ အဲဒီလိုလှုပ်ရှားမှုတွေက လေ့ကျင့်ခန်းလို အသက်ရှည်စေတယ်။ အသက်ရှည်ခြင်း ရဲ့ လျှို့ဝှက်ချက် အသက်ရှည်ခြင်းရဲ့ လျှို့ဝှက်ချက်က လှုပ်ရှားမှုအပေါ် မူတည်နေတယ်။ ခန္ဓာကိုယ်ပျော့ပျောင်းစေမယ့်၊ စိတ်ကိုကြည်လင်စေမယ့် လှုပ်ရှားမှုတွေ၊ လေ့ကျင့်ခန်းတွေ လုပ်ပါ။ အသက်ရာကျော် နေကြရတဲ့ သက်ကြီးရွယ်အိုတွေရဲ့ ဘဝနေထိုင်မှုက ရိုးစင်းတယ်။ သူတို့ခန္ဓာကိုယ် စည်းချက်အတွင်း၊ အပြင်ကိုသူတို့ သိနေကြတယ်။ လူအများစုအတွက် နမူနာယူသင့်တဲ့ ကောင်းတဲ့ အချက်တွေ သူတို့မှာ ရှိနေတတ်တယ်။
သွားတိုက်ပါ
ဥပမာ-နေ့စဉ် နံနက်အိပ်ရာထနဲ့၊ ညဘက် အိပ်ရာဝင်သွား နှစ်ကြိမ်တိုက်တယ်။ ကလေးတွေကိုလည်း သည်အတိုင်း တိုက်ခိုင်းသင့်တယ်။ ဒါဟာ ရာစုနှစ်ဝက်လောက် သွားရောဂါ ကင်းစင်စေတယ်။ အသက် ၄ဝ မှ သွားကျိုး၊ သွားဖာ၊ အံကပ်တပ်ရတာ၊ အသက်တိုတာ နည်းသွားတယ်။ အကျိုးရှိတဲ့ ကျန်းမာအသက် ရှည် နည်းပဲဖြစ်တယ်။ လေ့ကျင့်ခန်းတရုတ်၊ ဂျပန်နဲ့ ကိုရီးယားတို့မှာ ထိုက်ချိ၊ ကျိကုန်း၊ ကရာတေး၊ ဂျူဒိုကစား ကြတယ်။ လေ့ကျင့်ခန်း နေ့စဉ်လုပ်ရင်း အသက်ရှည်မှုနဲ့ ဆက်စပ်လာတယ်။ ပြန်လည် နုပျိုစေ တဲ့နည်းလို့ ဆိုကြတယ်။ တရုတ်ရိုးရာ ဓာတ်အပ်စိုက်တဲ့ စွမ်းအင်ကုထုံး နည်းရှိတယ်။ စွမ်းအားတိုးစေ တယ်။ ကျန်းမာရေးကောင်း တယ်။ စိတ်နဲ့ကိုယ်မျှစေတယ်လို့ ပြောကြတယ်။ ဒါကိုလည်း သိပ္ပံပညာနဲ့ အဖြေရှာကြရဦးမှာ ဖြစ်တယ်။ လုပ်ဖို့လို တစ်နေ့တာ လေ့ကျင့်ခန်း မှန်မှန်လုပ်ရင် ညဘက်မှာ အကောင်း ဆုံး အိပ်ပျော်နိုင်မယ်။ ကိုယ်တွင်းက အဆိပ်တွေ ပြေလျော့ကုန်မယ်။ ကျန်းမာရေးနဲ့ ညီညွတ်တဲ့ ဘဝနေထိုင်မှုပုံစံနဲ့ ပေါင်းစပ်ပြီး မကောင်းတဲ့ မျိုးဗီဇတွေ ခေါင်းမထောင်နိုင်အောင် ဖိသိပ်ထားနိုင်တယ်။
ယခုအခါ ကမ္ဘာပေါ်မှာရှိတဲ့ ဖွံ့ဖြိုးပြီးနိုင်ငံတွေမှာ ကျန်းမာရေး လေ့ကျင့်ခန်းလုပ်ရင် သွေးခုန်နှုန်းပေါ် မူတည်ပြီး လေ့ကျင့်ခန်း ယူလေ့ရှိကြတယ်။ လေ့ကျင့်ခန်းလုပ် စဉ် သွေးခုန်နှုန်း အနည်းအများ တိုင်းတာပြီး မည်သည့် သွေးခုန်နှုန်း ကာလအထိ လုပ်ရမည်ကို သတ်မှတ်ထားတယ်။ အသက် ၃ဝ မှ ၄၈ နှစ် အတွင်း ဖြစ်ပါက ပထမနှစ်လမှာ လေ့ကျင့်ခန်း ပြုလုပ်စဉ် တစ်မိနစ်ကို ၁၁ဝ ထက် လုံးဝမပိုရဘူး။ တစ်မိနစ်ကို ၁၁ဝ ရောက်ရင် လေကျင့်ခန်း မှန်မှန်လေး လုပ်ပါ။ တစ်မိနစ် ၁၁ဝ ထက်ကျော်ရင် ရပ်တန့်ပြီး အဲဒီနေ့အတွက် အနားယူပါ။ နှစ်လပြည့်ရင် တစ်မိနစ်ကို ၁၃ဝ အထိတိုး၍ လေ့ကျင့်ခန်း နေ့စဉ်မှန်မှန်ယူပါ။ ဒုတိယနှစ်လ ပြည့်ရင် တစ်မိနစ်ကို ၁၄ဝ အထိတိုး၍ လေ့ကျင့်ခန်း မှန်မှန်ဆက်လုပ်ပါ။ တတိယ နှစ် လပြည့်ရင် တစ်မိနစ်ကို ၁၄ဝ မှ ၁၅ဝ ကြားသွေးခုန်နှုန်းရှိမယ့် ကျန်းမာရေး လေ့ကျင့်ခန်း ဆက်လုပ် သွားနိုင်တယ်။ ခုနစ်ရက်ကြာ မလုပ်မိရင် အစကပြန်လုပ်ရမယ်။
Myanmar Forward