နှုတ်ခမ်းအသား ပပ်ခြင်းအတွက် ရိုးရှင်း လွယ်ကူသော အိမ်တွင်း ကုထုံးလေးများ

ရာသီဥတု ပူလွန်း၊ အေးလွန်းတဲ့အခါ ခန္ဓာကိုယ်တွင်း အပူ ဓာတ် များသူတွေမှာ သိသိသာသာ နှုတ်ခမ်း အသားပပ်လေ့ ရှိပါတယ်။ နှုတ်ခမ်းဆိုးဆေး ဓာတ်မတည့်ခြင်း ကြောင့် လည်း နှုတ်ခမ်း အသားပပ်တဲ့ ဝေဒနာမျိုး ခံစားရနိုင်ပါတယ်။ ဘယ်လို နည်းကြောင့်ဘဲ ဖြစ်ဖြစ် အသားပပ်တဲ့ အခါ နာကျင် ခံစားရုံမျှမက၊ အလှပျက်၍ ဆွဲဆောင်မှု မရှိနိင်တော့ ပါဘူး။ သို့ သော် စိတ်မပူပါနှင့်။ အောက်ပါ ရိုးရှင်းလွယ်ကူတဲ့ အိမ်တွင်း ကုထုံးလေးများက နှုတ်ခမ်း ၂-လွှာကို ပကတိ အတိုင်း စိုအိချောမွေ့ စေနိုင်မှာ ဖြစ်ပါကြောင်း။

(၁) ရေပိုသောက်ပါ။ (လက်ရှိ သောက်နေကျ ရေပမာဏထက် ၂-ဆ တိုး၍ သောက်ပါ။ ရေခဲရေ
မသောက်ရ)

(၂) ခရမ်းချဉ်သီး၊ မုန်လာဥနီ၊ အစိမ်းရောင် ဟင်းသီးဟင်းရွက်တို့ ကို များများ စားပေးပါ။

(၃) ဗီတာမင် အားဆေး များဖြစ်ကြတဲ့ ဗီတာမင် B2 ၊ ဗီတာမင် C ၊ ဗီတာမင် E ၊ ငါးကြီးဆီ ဆေး လုံးများ မှီဝဲပါ။

(၄) သခွားသီး ပါးပါးလှီး၍ ကပ်ပေးပါ။

(၅) ကော်ဖီ၊ လ္ဘက်ရည်၊ ရေနွေး၊ ဟင်းရည်၊ စွပ်ပြုတ် တို့ ကို အအေးခံ၍ သောက်ပါ။ (အကယ်၍ ထိုအရည် ပူပူများကို စတီးလ် ခွက်၊ ဒန်ခွက်၊ စတီးလ်ဇွန်းတို့ ဖြင့် နှုတ်ခမ်းတေ့၍ သောက်မိတဲ့အ ခါ ဝေဒနာများ ပိုမိုဆိုးရွား လာစေပါလိမ့်မယ်)

(၆) အသားလှဆီ (သို့ မဟုတ်) သကြားရည် (သို့ မဟုတ်)နှင်းဆီရည် လိမ်းနိုင်ပါတယ်။ (နှင်းဆီရည် (ခေါ်) rose water ကို အလှကုန် ပစ္စည်း အရောင်းဆိုင်တွေမှာ ၀ယ်ယူ ရရှိနိုင်ပါတယ်)

(၇) အုန်းဆီ (သို့ မဟုတ်) သံလွင်ဆီ (သို့ မဟုတ်) ကြက်ဆူဆီ (သို့ မဟုတ်) မုန်ညင်းဆီ လိမ်းပေးပါ။

(၈) ဗီတာမင်အီး အဆီဆေးလုံး ဖေါက်၍လိမ်းပါ။ (ထိုဆေးလုံး လေးတွေကို အလှကုန်ပစ္စည်း အရောင်း ဆိုင်တွေမှာ ၀ယ်ယူ ရရှိနိုင်ပါတယ်)

(၉) ပျားရည် (သို့ မဟုတ်) ရှားစောင်းလက်ပပ် ဂျယ်လီအနှစ်လိမ်းပါ။

(၁၀) နွားနို့ ကရင်မင် လိမ်းပေးပါ။

(၁၁) နေမထိ ပါစေနှင့်။

(၁၂) လေစိမ်း တိုက်မခံပါနှင့်။

(၁၃) မကြာခဏ တံတွေး ဆွတ်ခြင်းကလည်း နှုတ်ခမ်းသား ခြောက်သွေ့ ခြင်းကို ပိုမိုဆိုးရွား လာစေနိုင် ပါတယ်။

(၁၄) နှုတ်ခမ်းအသားပပ် ကွဲအက်နေစဉ်မှာ ဖြစ်နိုင်ရင် နှုတ်ခမ်းဆိုးဆေး လုံးဝ မသုံးသင့်ပါဘူး။ (သက် တမ်းကြာ ဆိုဆေးများ နှင့် ကာဗွန်ဓာတ် ပါဝင်မှုများသော ဆိုးဆေးအရောင် ရင့်ရင့်တွေက ဝေဒနာကို ပိုမိုဆိုးရွား လာစေနိုင်လို့  အထူးသတိပြုပါ)

(၁၅) ဝေဒနာမပျောက်ခင်မှာ၊ မဖြစ်မနေ နှုတ်ခမ်းဆိုးဆေးသုံးချင်ပါက အရောင်မပါတဲ့ နှုတ်ခမ်းဆိုးဆေး အဆီကိုသာ ရွေးချယ် ပေးပါ။

(၁၆) နှုတ်ခမ်းသား အဖတ် လန်နေတာတွေကို လက်ဖြင့်ဆွဲဖဲ့ခြင်း၊ သွားနှင့်ကိုက်ခြင်း မျိုးတွေမ လုပ်ပါနှင့်။ ပို၍ အဖတ်လန်လာ နိင်တဲ့အပြင်၊ အသားစစိုက်ပြီး သွေးထွက် တတ်ပါတယ်။

(၁၇) အရေပြား ဆဲလ်တွေသေခြင်းကြောင့် နှုတ်ခမ်းသားတွေ အဖတ်လန်လာရပါတယ်။ နောက်ထပ် ဆဲလ်တွေ မသေနိုင်အောင် ကြိုတင်ကာကွယ်သည့်အနေဖြင့် သွားတိုက်တံသုံး၍ နှုတ်ခမ်းပေါ် ခပ်ဖွဖွ ပွတ်တိုက်ပေးပါ။

အလှအပမြတ်နိုးသူတိုင်း လှသထက်ပို၍ လှနိုင်ကြပါစေရှင်။

(ဆောင်းပါးရှင်…တင်ထက်ထက်ဇော်...ရေးသားမျှဝေသည်)

promise.pauk
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+

ဆက်စပ်ဖတ်ရှုရန် အကြောင်းအရာများ...