ဂျပန်တွေ ဘာကြောင့် အင်္ဂလိပ်စာ မတတ်တာလဲ
ဂျပန် နိုင်ငံရှိ အင်္ဂလိပ်ဘာသာ စကား သင်ကြားမှု များနှင့် ပတ်သက်ပြီး နိုင်ငံခြားသား အင်္ဂလိပ် ဘာသာသင် ဆရာများကို မေးကြည့်လျင် အဖြေ တစ်မျိုးကိုသာ သူတို့က ပြောကြပါ လိမ့်မည်။ ဂျပန်တွင် အင်္ဂလိပ် သာသာစကား သင်ကြားမှု ပညာရေးစနစ် မထိရောက် ဆိုသည့် အချက် သာ ဖြစ်သည်။
ဂျပန်ရှိ စာသင်ကျောင်း များတွင် အင်္ဂလိပ်သာသာ စကားကို မသင်မနေရ အဖြစ် သတ်မှတ်ထား သော် လည်း အင်္ဂလိပ် ဘာသာစကားကို လက်တွေ့ နယ်ပယ်တွင် အောင်မြင်စွာ အသုံးချ နိုင်သည့် ကျောင်းသား ဦးရေမှာမူ မဖြစ်စလောက်သာ ရှိခဲ့သည်။ တရုတ်၊ ဂျပန်နှင့် တောင်ကိုရီးယား သည် ခေတ်သစ် အခြေအနေ များနှင့် ရင်ဘောင်တန်း နိုင်ရန် အတွက် အင်္ဂလိပ် ဘာသာစကားကို အကောင်းဆုံး အသုံးချ နိုင်မည့် ကျောင်းသား များကို မွေးထုတ်နိုင်ရန် ကြိုးပမ်းနေခဲ့ရာ ဂျပန်သည် ၎င်းနှစ်နိုင်ငံနှင့် နှိုင်းယှဉ် လျင် များစွာ နောက်ကောက်ကျ ကျန်ရစ်ခဲ့သည်။
၂၀၂၀ ခုနှစ်တွင် အိုလံပစ် အားကစားပွဲ များကို ကျင်းပတော့မည် ဖြစ်ရာ ဂျပန် အစိုးရသည် ကျောင်းသား များ၏ အင်္ဂလိပ်စာ အရည်အသွေး တိုးတက်စေရေး အတွက် အပြောင်းအလဲများ ဖော်ဆောင်နိုင်ရန် ကြိုးပမ်းနေ ရပြီ ဖြစ်သည်။ ပြုပြင် ပြောင်းလဲမှုများ အရ စတုတ္ထတန်းမှစပြီး အင်္ဂလိပ်စာ မိတ်ဆက် သင်တန်းများကို ပို့ချမည် ဖြစ်ပြီး ဆဋ္ဌမတန်းမှ စတင်ကာ အင်္ဂလိပ် ဘာသာစကားကို မသင်မနေရ ဘာသာ အဖြစ် သင်ယူကြရမည် ဖြစ်သည်။ စီမံကိန်း ချမှတ် တာတော့ ဟုတ်ပါပြီ။ ယင်း ပြုပြင်ပြောင်းလဲမှုများ ထိရောက် နိုင်ပါ့မလားဟု တချို့က မေးခွန်းထုတ် ကြသည်။ နိုင်ငံခြားသား အင်္ဂလိပ် ဘာသာသင် ဆရာများနှင့် ဂျပန်နိုင်ငံသား အင်္ဂလိပ် ဘာသာ စကား ကျွမ်းကျင်သူများက မလုံလောက်ကြောင်း ဝေဖန် ကြသည်။
ဂျပန်နိုင်ငံတွင် အင်္ဂလိပ်ဘာသာ စကား သင်ကြားမှု ပြုလုပ်ခဲ့ဖူးသည့် နိုင်ငံခြား များက ဂျပန်နိုင်ငံ သား ကျောင်းသားများ အင်္ဂလိပ်ဘာသာ စကား သင်ယူနေမှု နည်းလမ်းကို ဦးစွာ ပြောင်းလဲရန် လိုအပ်ကြောင်း ပြောဆိုခဲ့သည်။ အင်္ဂလိပ် ဘာသာသင် ဆရာတချို့ထံမှ အကြံပြုချက် များကို တောင်းယူခဲ့ရာ ဆရာများက ဂျပန်နိုင်ငံရှိ အင်္ဂလိပ်ဘာသာ စကားသင်ကြားမှုတွင် အားနည်းချက်များကို ထောက်ပြခဲ့ ကြသည်။ ထောက်ပြသော အချက် တချို့ကို အောက်ပါ အတိုင်း ဖော်ပြလိုက် ပါသည်။
၁။စာမေးပွဲ အတွက်သာ အဓိက ဦးစားပေး သင်ကြားခြင်း
ဂျပန် စာသင်ကျောင်း စနစ်တွင် တက္ကသိုလ်နှင့် အထက်တန်းကျောင်းများတွင် ရည်မှန်းချက် ကြီးမားသော ကျောင်းသား များသည် အင်္ဂလိပ် ဘာသာစကားဆိုင်ရာ အရည်အသွေးစစ် စာမေးပွဲ များကို ဖြေဆိုကြရသည်။ စာမေးပွဲ ဆိုပြီး အထင်တော့ မကြီးလိုက် ပါနှင့်။ အင်္ဂလိပ် ဘာသာစကား၏ သဒ္ဒါနှင့် ဝေါဟာရများ ကိုသာ စစ်မေးခြင်း ဖြစ်သည်။ ယင်းကြောင့် ဂျပန်နိုင်ငံသား အင်္ဂလိပ် သာသာ စကားသင် ဆရာများ (JTEs) သည် စာမေးပွဲတွင် မေးနိုင်သည့် သဒ္ဒါနှင့် ဝေါဟာရများ ကိုသာ ဦးစားပေး သင်ကြားတတ် ကြသည်။ အကျိုးဆက်မှာ ကျောင်းသား များသည် သဒ္ဒါနှင့် စကားလုံးများ ကိုသာ သိရှိခဲ့ ကြသည်။ အင်္ဂလိပ် ဘာသာစကားကို ပြင်ပတွင် အသုံးချ နိုင်စွမ်းကို လစ်လျူရှုခဲ့ သောကြောင့် ကျောင်း သားများ၏ အင်္ဂလိပ်ဘာသာစကားဆိုင်ရာ သိနားလည်မှုမှာ စာမျက်နှာပေါ် တွင်သာ နိဂုံးချုပ်ခဲ့ရသည်။ ဓမ္မဓိဌာန် မေးခွန်းများ ဖြေဆိုနိုင်ရေး အတွက် ဘာသာစကား တစ်ခုကို လေ့လာခြင်းထက် မည်သည့် ဘာသာစကားကိုမှ မသင်ယူခြင်းက ပိုမို ကောင်းမွန်ကြောင်း ပညာရှင်များက ထောက်ပြသည်။
၂။ ဖတ်စာအုပ်များ၏ အရည်အသွေး နိမ့်ကျ လွန်းခြင်း
ဂျပန်ရှိ စာသင်ကျောင်းများတွင် အသုံးပြုနေသည့် အင်္ဂလိပ်ဘာသာ စကားဆိုင်ရာ ဖတ်စာအုပ်များတွင် အကြောင်းအရာ အားဖြင့် သာမက သဒ္ဒါနည်း အရပါ အမှားအယွင်းများ ပါဝင် နေကြောင်း နိုင်ငံခြားသား အင်္ဂလိပ် ဘာသာ စကားသင် ဆရာများက ပြောဆိုခဲ့သည်။ အမှားပါရုံ တင်မက တချို့သော သဒ္ဒါ အချက်များမှာ ယနေ့ခေတ် အင်္ဂလိပ် ဘာသာ စကားတွင် အသုံးပြုနေသည့် အချက်များ မဟုတ်ကြဘဲ ယခင် ခေတ်ဟောင်း အသုံး အနှုန်းများဖြစ် နေကြောင်း ပြောဆိုမှုများ ရှိခဲ့သည်။ JTEs များ သင်ကြားသည့် အကြောင်းအရာများ ကိုလည်း စိတ်ပျက်စရာ ကောင်းလှသည်။ ဒုတိယ ကမ္ဘာစစ်တွင် သေဆုံးခဲ့သည့် လူများနှင့် တိရိစ္ဆာန်များ အကြောင်းသာ ဖြစ်ကြသည်။ ယနေ့ခေတ် အခြေအနေကို ထင်ဟပ်သော အကြောင်းအရာ များကို လိုက်မရှာပါနှင့်။ ဂျပန်ရှိ အင်္ဂလိပ်ဘာသာ စကားဆိုင်ရာ သင်ရိုးညွှန်းတန်း များတွင် မြင်ရမည် မဟုတ်ပါ။
၃။ ဂျပန် ဘာသာစကားသို့ ပြန်ဆိုခြင်းနှင့် JTEs များက ဂျပန်လိုသာ ပြောဆိုခြင်း
ဂျပန်တွင် အင်္ဂလိပ်ဘာသာ စကား သင်ကြားမှုနှင့် သင်ယူမှု မထိရောက်ခြင်းနှင့် ပတ်သက်ပြီး အများ ဆုံး ပြောဆို ကြသည့် အကြောင်းအရင်း တစ်ရပ်မှာ စာသင်ခန်း များတွင် အင်္ဂလိပ် ဘာသာစကား ပြော ဆိုသံ မကြားရခြင်း ဖြစ်သည်။ ဂျပန်နိုင်ငံမှာ ဘာသာ ပြန်ခြင်းကို အရိုးစွဲ နှစ်သက်သော နိုင်ငံ တစ်နိုင်ငံ ဖြစ် သည်။ နိုင်ငံခြား ဘာသာ စကားဖြင့် ရေးသားထားသော စာအုပ် တစ်အုပ် ယနေ့ထွက် ပါက မနက်ဖြန် ဆိုလျင် ယင်းစာအုပ်၏ ဂျပန် ဘာသာပြန် စာအုပ်ကို စာအုပ်ဆိုင် များတွင် မြင်တွေ့ရမည် ဖြစ်သည်။ စာပေ နယ်ပယ်က ဘာသာပြန်ခြင်းသည် စာသင်ခန်း ထဲသို့ပါ ဆက်လက် ကူးစက်ခဲ့သည်။ ဘာသာပြန်ခြင်းကို အားပေးကြ ရမည်ဖြစ် သော်လည်း ယင်းလုပ်ရပ်က အင်္ဂလိပ်ဘာသာ စကားသင် စာသင်ခန်း ထဲသို့ ရောက် ရှိ လာသည် ကိုတော့ ငြင်းပယ်ကြ ရပါမည်။ နိုင်ငံခြား ဘာသာစကား တတ်မြောက်မှု ရှိရန် အထိရောက်ဆုံး နည်းလမ်း တစ်ခုမှာ ၎င်းဘာသာ စကားနှင့် ထိတွေ့မှုများခြင်း ဖြစ်သည်။ ယခုတော့ ထိုသို့မဟုတ်။ စာသင် ခန်းများတွင် ဆရာများက သင်ရိုးများထဲရှိ အကြောင်းအရာ များကို ဂျပန် ဘာသာသို့ ပြန်ဆိုပြီး ရှင်းပြနေခဲ့ သည်။ ထို့ပြင် အသံသွင်း ထားသော အင်္ဂလိပ် ဘာသာစကား ဆိုင်ရာ အပြန်အလှန် စကားပြောဆိုမှု များကို ဖွင့်ပြထားရုံဖြင့် ကျောင်းသားများ အင်္ဂလိပ် ဘာသာ စကားနှင့် ယဉ်ပါး သွားမည်ဟု ထင်မြင်နေကြ ပြန် သည်။ ယင်းကြောင့် ဘယ်မှာလဲ အင်္ဂလိပ် ဘာသာစကား ဟု တချို့ မေးခွန်း ထုတ်ကြသည်။ အင်္ဂလိပ် ဘာသာ စကား မပါဝင်သော အင်္ဂလိပ်ဘာသာ စကားဆိုင်ရာ စာသင်ခန်းများ ဖြစ်နေသည်။
၎။ အင်္ဂလိပ် ဘာသာစကား တတ်မြောက်မှု၏ တန်ဖိုးကို ကျောင်းသားများ နားမလည်ခြင်း
ဂျပန်၏ လက်ရှိ အင်္ဂလိပ်ဘာသာ စကားဆိုင်ရာ သင်ကြားမှုတွင် အဓိက ပြဿနာမှာ ကျောင်းသားများက အင်္ဂလိပ်ဘာသာ စကား သင်ယူ ရခြင်း၏ ရည်ရွယ်ချက်နှင့် တန်ဖိုးကို နားမလည်ကြခြင်း ဖြစ် သည်။ တောင်ကိုရီးယား၊ တရုတ်တို့ နှင့်တော့ အတော်ကိုပင် ကွဲပြားလှသည်။ ယင်းနှစ်နိုင်ငံတွင် အင်္ဂလိပ်စာ တတ်မှသာ ပညာရေးနှင့် လူမှုရေး နယ်ပယ်တွင် အထက်တန်း ရောက်နိုင်မည်ဟု လူငယ်များက မှတ်ယူထား ကြသည်။ အင်္ဂလိပ် ဘာသာ စကားပြော နိုင်ငံတစ်နိုင်ငံသို့ သွားရောက် လည်ပတ်ခွင့် ရရှိခြင်း ပင်လျင် သူတို့အတွက် အခွင့်ထူးခံ အခြေအနေ တစ်ခု ရရှိခြင်း ဖြစ်သည်။ ဂျပန် မှာက ထိုသို့မဟုတ်။ အင်္ဂလိပ် ဘာသာစကား လေ့လာခြင်းမှာ ကျောင်းသားများက နောက်ဆုံးထား စိတ်ဝင်စားသည့် အကြောင်း အရာ တစ်ခု ဖြစ်နေခဲ့သည်။ ဂျပန် ဘာသာစကားဖြင့် ပြောဆိုလျင် အလုပ် ဖြစ်နေသည့် ခေတ်ကြီးတွင် အင်္ဂလိပ်ဘာသာ စကားကို နောက်ထပ် သင်ယူရန် မလိုဟု ကျောင်းသားများနှင့် လူကြီး တချို့က ယူဆ ကြသည်။
အင်္ဂလိပ်ဘာသာ စကား သင်ကြားမှု တာဝန်အား စာသင်ခန်းများ အပေါ်တွင်သာ ပုံချထားပြီး စာသင်ခန်းထဲ တွင်လည်း အရည်အသွေး နိမ့်ကျသော သင်ရိုးများဖြင့်သာ သင်ကြားနေ သောကြောင့် ကျောင်းသား များမှာ အင်္ဂလိပ်ဘာသာ စကားအပေါ် စိတ်ဝင်စားမှု မရှိတော့ဘဲ ဖြစ်ကာ ဘာမှ မတတ်မြောက်ဘဲ ရှိသည်သာ အဖတ်တင်ခဲ့သည်။ သဒ္ဒါ အချက်များနှင့် ဝေါဟာရ တချို့ကိုသာ အတင်းအကြပ် အလွတ် ကျက်ခိုင်းပြီး လက်တွေ့ အသုံး ချမှု မပါဝင် သောကြောင့် ကျောင်းသားများ အင်္ဂလိပ်စာ မတတ်မြောက်ဘဲရှိ နေသည်မှာ မထူးဆန်းလှဟု ဆိုရပါမည်။ ထို့ကြောင့် ဂျပန်တွင် အင်္ဂလိပ် ဘာသာစကား သင်ကြားမှု အောင်မြင် လိုလျင် စာကို မသင်မီတွင် စိတ်ကို ဦးစွာ သင်ကြားရန် လိုအပ်သည်ဟု ပညာရှင်များက ထောက်ပြကြခြင်း ဖြစ် သည်။
Ref: What’s wrong with English education in Japan? KK Miller
The Messenger
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+