အဖြူထည် အကြောင်းလေး
မျက်ရည် တစ်စက်က အကြောင်းကြားခြင်း မရှိဘဲ ကျွန်တော့် မျက်ဝန်းမှာ ကြွေခဲ့တယ်။ ကိုင်ထားတဲ့ ပန်းနုရောင် ဖိတ်စာမှာ ကြေကွဲခြင်းတွေ ပေါက်ကွဲဖို့ ဗုံးတစ်လုံးများ ပါလေသလား။ မသဇင်-မောင်သန့် ဇင်တဲ့။ ခြောက်လှန့်နေတဲ့ နာမည်တစ်စုံက ကျွန်တော့်ကို ခုန်အုပ် လိုက်ကြတယ်။ ကျွန်တော်တွေတွေ ကြီးကျနေတဲ့ မျက်ရည်တွေဟာ ဖိတ်စာကို ကိုင်ရင်းနဲ့ အတိတ်ဆီရွေ့လို့။
‘မမတို့နှစ်ယောက် အနာဂတ်က ဘယ်လိုမှ မဖြစ်နိုင်ပါဘူးမောင်လေး၊ မင်းကလည်း မမထက် ၁၀ နှစ် ကျော် ငယ်တယ်။ အိုကွယ် . . . . စဉ်းစားကြည့်ရင် ဘယ်လိုမှ မဖြစ်နိုင်တာပါ။ အစစအရာရာ ငဲ့ကွက်ရ မှာတွေ အများကြီး။ မမတစ်ကိုယ်ကောင်း မဆန်ချင်ဘူး။ စိတ်လျှော့ လိုက်ပါတော့ မောင်လေး။ အတူတူ ရှိတဲ့ အချိန်လေး မမတို့ချစ်သူနှစ်ဦး ပျော်ပျော်နေကြ ရအောင်လား။ ဘဝတစ်ခုတည်ဆောက်ဖို့ ဆိုတာ မောင်လေး ထင်သလို လွယ်လွယ်လေးမှ မဟုတ်တာ’
‘ဘာလဲ၊ မောင်လေးအရွယ်မရောက်တာနဲ့ဘဲ မမကမောင်လေးခိုးပြေးမယ်ဆိုတာကို ငြင်းချင်တာလား။ မမကမောင်လေးကိုပဲ ချစ်တာဆို။ အဲဒါကရောဘာလဲ။ ဒီလိုပဲအဆုံးရှုံးခံဖို့ချစ်ခဲ့ကြတာလား။ မမသတ္တိ မရှိဘူးလားဗျာ’
‘မောင်လေး စကားနာမထိုးပါနဲ့။ သတ္တိမရှိတာနဲ့ မိုက်ရူးရဲဆန်တာကို ကွဲကွဲပြားပြားသိစမ်းပါ။ မောင် လေးကို အရမ်းချစ်ခဲ့တယ်ဆိုတာ သံသယရှိစရာမလိုပါဘူး။ မောင်လေးပြောသလို မမနဲ့မောင်လေး ခိုး ပြေးပါပြီတဲ့။ ဘာလုပ်စားကြမလဲ။ ဒီကြားထဲနှစ်ဖက်မိဘတွေကလည်း နာမည်ပျက်မယ်။ မောင်လေး လည်း ၁၀ တန်းဖြေ ထားတုန်းပဲရှိသေးတာ။ မောင်လေးရဲ့ပညာရေးကိုလည်း အနှောင့်အယှက်မဖြစ် စေချင် ဘူး။ နောက် ပြီးမောင်လေးမှာ ရှေ့တက်လမ်းတွေ အများကြီး။ အချစ်တစ်ခုတည်း အတွက်နဲ့ မောင်လေးအနာဂတ် မှန်သမျှကို ဖျက်ဆီးပစ်မှာလား။ အချစ်ဆိုတာ ဘဝရဲ့အစိတ်အပိုင်းတစ်ခုပါ မောင်လေး။ ရင့်ကျက်စမ်းပါ။ အခုစိတ်ညစ်စရာတွေမတွေးဘဲ ရှိတဲ့အချိန်လေး မမတို့ပျော်ပျော်နေကြ ရအောင်လား’
အဲဒီနေ့က ပူလောင်မှုနဲ့ ကျွန်တော်ဘာပြောရမှန်း မသိတော့ဘူး။ မမကလေအေးအေးနဲ့ ကျွန်တော့်ကို နားချပါတယ်။ အရင်ဆုံးကျွန်တော့်ကို မမက အိမ်ကပေးစားတဲ့လူနဲ့ လက်ထပ်ရမယ် ဆိုတဲ့အကြောင်း အသိပေးရင်း ပြောဆိုခဲ့ကြတာပါ။ ချစ်တာနဲ့လက်ထပ်တာ မတူနိုင်ဘူးတဲ့။ ပိုင်ဆိုင်ရမှ အချစ်မဟုတ် ဘူးဆို တာလည်းပါတယ်။ မောင်လေးအတွက် အဓိကပါဆိုတာကလည်း ခဏခဏ။ အဲဒီတုန်းက မမ ပြောသမျှ ကျွန်တော်နားမလည်ပါဘူး။ မမနဲ့နောက်တစ်ပတ်ကစပြီး ခွဲရမယ်ဆိုတဲ့အသိနဲ့ ဝမ်းနည်းရ တာပဲသိတယ်။
အဲဒီအချိန်တုန်းက ကျွန်တော်နဲ့အတူတူ တစ်ပတ်လုံးလုံး မမအချိန်ဖြုန်းပေးပါတယ်။ ဘယ်လိုပဲမမ ဟန်ဆောင်နေပေမယ့် ဟန်လုပ်ပြုံးနေမှန်းသိတယ်။ ကျွန်တော်တော့ ဘယ်လိုမှဟန်မဆောင်နိုင်ခဲ့ဘူး။ အသက်အရွယ်က စကားပြောတာလည်းပါမယ်ထင်ပါရဲ့။ ဆယ်ကျော်သက်ကျွန်တော် စူပုပ်ပုပ်မျက်နှာ ကြီးနဲ့ရတဲ့ တစ်ပတ်စာအချိန်လေးမှာ သေဒဏ်ကျမှာ ကြိုသိတဲ့အကျဉ်းသားကိုဖြစ်လို့။ တစ်ပတ်လုံး လုံးမပျော်ဘဲ ပူလောင်နေခဲ့ရတယ်။
ဖောက်ခနဲ စိုထိုင်းဆတစ်ခု လက်ပေါ်ရောက်သွားတဲ့အချိန်ရောက်မှ ကျွန်တော်ပစ္စုပ္ပန်ကိုပြန်ရောက် လာတယ်။ မမနဲ့ကျွန်တော်ပြောခဲ့တဲ့အကြောင်းတွေ၊ ဖြစ်ခဲ့တဲ့အတိတ်တစ်စကို အမှတ်မထင်တူးဖော်မိ တာပဲ။ လူနဲ့စိတ်မကပ်တဲ့အဖြစ်မျိုးလား။ လက်ထဲမှာကိုင်ထားတဲ့ဖိတ်စာကို ပြန်ကြည့်ရင်း မမနဲ့တွေ့ တုန်းက အချိန်ကိုပြန်သတိရလာသလို။ အဲဒီတုန်းက။
စာအုပ်ဆိုင်ခေတ်ကောင်းတဲ့အချိန်တုန်းက ဆိုပါတော့။ ၁၀ တန်းကျောင်းသားလေး ကျွန်တော် ညနေ ကျောင်းဆင်းချိန်ဆို သွားနေကျနေရာလေးတစ်နေရာရှိတယ်။ အဲဒါက မိုးကောင်းကင် စာအုပ်ဆိုင်ပါ ပဲ။ ငယ်ငယ်လေးကတည်းက စာအုပ်ကိုကြိုက်နှစ်သက်လေ့ရှိတဲ့ကျွန်တော်က စာအုပ်စုံရလေ့ရှိတဲ့ မိုး ကောင်းကင်ဆိုင်လေးရဲ့ အငှားဖောက်သည်လေးဆိုလည်း မမှားဘူး။ နောက်ပြီးအဲဒီဆိုင်လေးက မမနဲ့ ကျွန်တော်အမှတ်မထင် ဆုံစည်းရာနေရာလေးတစ်နေရာလည်း ဖြစ်တယ်။
မိုးရာသီ ညနေခင်းတစ်ခုမှာပေါ့။ ကျောင်းကအပြန် ကျွန်တော်စာအုပ်ဝင်ရွေးတယ်။ အဲဒီအချိန်ဆို စာအုပ် ဆိုင်လေးမှာ လူတွေစည်ကားနေကျပေါ့။ အဲဒီတုန်းက အခုလိုအင်တာနက်၊ အခွေငှားဆိုင်၊ ဖျော် ဖြေရေးတွေ ဒီလောက်သိပ်မပေါသေးဘူး။ အဲဒီတော့ စာအုပ်ဆိုင်တွေထဲမှာ လူငယ်၊ လူရွယ်တွေ၊ လူ ကြီးတွေနဲ့ ကလေးတွေ အစုံပါပဲ။ နောက်ပြီးတော့ စာအုပ်ရာသီလို့ခေါ်နိုင်တဲ့ မိုးရာသီဖြစ်တာလည်းပါ မယ်။ ဒီတော့ လူတွေက အပြင်ထွက်လည်ဖို့ ရာသီဥတုကအဆင်မပြေတာမို့ မိုးအေးအေးမှာ စာအုပ်နဲ့ ထိုင်နှပ်ဖို့ဒီကို လာကြတာပါ။ ကျွန်တော်လည်း ဆိုင်ထဲကလူများလို့ မြန်မြန်ရွေးပြီး ထွက်လာခဲ့တယ်။ စာအုပ်ဆိုင် အပြင် မှာတော့ မိုးတွေကဝုန်းဒိုင်းကြဲနေတာပဲ။ ကျွန်တော်အပြင်ကို ထွက်ထွက်ချင်းမှာ တွေ့လိုက်ရတာ က လေပြင်း အရှိန်ကြောင့် အမျိုးသမီးတစ်ယောက်ရဲ့ထီးက လန်သွားတာကိုပါ။ အဲဒါ နဲ့ကျွန်တော်လည်း သူ့ဆီမှာ စာအုပ်တွေတွေ့တာမို့ ရေမစိုစေချင်တဲ့စိတ်နဲ့ အပြေးထီးသွားမိုးပေးလိုက် တယ်။ ကျွန်တော် ကံကောင်းတာတစ်ခုက ပါလာတဲ့ထီးက ခေါက်ထီးမဟုတ်ဘဲ နှစ်ယောက်ဆောင်း ထီးမို့ နှစ်ယောက် စလုံး အတွက် အဆင်ပြေသွားတာပါ။
အဲဒီအမျိုးသမီးက ကျွန်တော်ထီးနဲ့မိုးပေးတာကို ကျေးဇူးတင်ဟန်ပြုံးပြတယ်။ သူ့နဖူးမှာ ထီးကိစ္စ ကြောင့်ထင် ပါရဲ့။ ချွေးတွေသီးနေပါတယ်။ ဒီလိုနဲ့ကျွန်တော်တို့ အပြန်အလှန် မိတ်ဆက်ခဲ့ကြတယ်။ သူကကျွန်တော့် ဝတ်စုံကိုကြည့်ပြီး ကျောင်းသားလားမေးတယ်။ ကျွန်တော်လည်း ဟုတ်ကြောင်း ပြန် ဖြေတယ်။
အဲဒီနေ့က ချွေးတွေထွက်နေတဲ့ အမျိုးသမီးကို ကျွန်တော်တစ်ခါတည်းညွတ်ကျသွားခဲ့တာ ဘာကြောင့် မှန်းမသိဘူး။ စဉ်းစားကြည့်တော့ မဟာဆန်တဲ့ မျက်နှာမျိုးကြောင့်လား၊ ညင်ညင်သာသာ ပြောတတ်တဲ့ ကားသံတွေကြောင့်လား၊ နွေးထွေးလွန်းတဲ့ အပြုံးတွေကြောင့်လား။ ဘာကြောင့်မှန်း ကျွန်တော် တကယ်ကို မသိဘူး။ ကျွန်တော့်ထက်အသက် ၂၀ ကျော်ပိုကြီးတဲ့ အမျိုးသမီးကို တစ်ခါတည်းချစ်မိ သွားခဲ့တယ်။
အိမ်ကိုလိုက်ပို့ရင်း နောက်နေ့လည်း ကျွန်တော်ကမမကို မောင်လေးအဖြစ် အသိအမှတ်ပြုရင် စာအုပ် ဆိုင်လေးမှာ ၄ နာရီအချိန်လောက်ဆုံကြမယ်လို့ ပြောလိုက်တယ်။ အဲဒီလိုပြောတဲ့အတွက်များ မမက အချိန်မှန်မှန်နဲ့ ကျွန်တော်ရှိတဲ့အချိန်ရောက်တာများလား။ သေသေချာချာတော့ မသိဘူး။ ကျွန်တော် တို့ စာအုပ်ဆိုင်လေးမှာ စာအုပ်ရွေးရင်းအပြန်မှာ မမကိုလိုက်ပို့ရင်း ကျွန်တော်တို့ တစ်ယောက်နဲ့ တစ် ယောက် ခင်မင်ရင်းနှီးမှုတွေ ပိုလာခဲ့တယ်။
ကျွန်တော်ကမမကိုချစ်တာ သေချာနေတော့ ဖွင့်ပြောဖို့အတွက် ခေါင်းစားခဲ့သေးတယ်။ ဖွင့်ပြောဖို့ လည်း နောက်ဆုံးမရဲတာနဲ့ နည်းဟောင်းကြီးအတိုင်း စာပေးဖို့ဆုံးဖြတ်လိုက်တယ်။ ဒါနဲ့ပဲမမစာအုပ်ကို အပြန်ကူကိုင်ပေးရင်း စာအုပ်ကြားထဲရေးထားတဲ့ ရည်းစားစာကို ညှပ်ထည့်ပေးလိုက်တာပဲ။ အပြန်မှာ မမကိုညှပ်ထားတဲ့စာ သတိထားမိအောင်လို့ ကျွန်တော်ပြောလိုက်သေးတယ်။
‘မမ ဒီစာအုပ်ကိုအရင်ဖတ်နော်။ အဲဒီမှာ ထူးခြားတာတွေ့ရမယ်’
မမနားလည်သလို ခေါင်းကုတ်ရင်းပြန်မေးတယ်။ ဒီစာအုပ်က ဘာလို့ထူးခြားရတာလဲဆိုပြီး ကျွန်တော့် ရှေ့ မှာ အဲဒီစာအုပ်ကိုလှန်ကြည့်ဖို့လုပ်တာ ကျွန်တော်တစ်ချိုးတည်းလစ်တော့တာပဲ။ အမှန်ပြောရရင် ရင်းနှီးတာ က ရင်းနှီးတာပဲ။ ဒါပေမဲ့ ရည်းစားစာပေးတဲ့အခါ မျက်နှာချင်းဆိုင်ရမှာကို တွေးမိတော့ ရှက် တဲ့စိတ်ကြောင့်လည်း ပါမယ်ထင်ပါရဲ့။
နောက်နေ့မမကိုတွေ့တော့ ကျွန်တော်မျက်လုံးချင်းတည့်တည့်မကြည့်ရဲဘူး။ လုပ်နေကျအလုပ်ကို ပုံမှန် လုပ်နေပေမယ့် အရင်လိုစကား ဟက်ဟက်ပက်ပက်မပြောဖြစ်ဘူး။ စာကြောင့် အပြောခံရမှာ၊ အမုန်းခံ ရမှာတွေးပြီး ကြောက်နေတာလည်းပါတယ်။ နောက်ဆုံးတော့ မမမနေနိုင်လို့ထင်ပါရဲ့။
‘မောင်လေးက ရည်းစားစာပေးတုန်းကပေးပြီး ခုကျတော့ သူပဲမပေးထားသလိုနဲ့ တေမိကြီးလုပ်နေ တယ်’
‘မဟုတ်ပါဘူး မမရဲ့။ စာကြောင့်မမစိတ်ဆိုးမှာ ကြောက်လို့ပါ။ စိတ်မဆိုးဘူးဆိုရင်တော့ ကျွန်တော်မမ အဖြေကို သိခွင့်ရမလား။ ကျွန်တော်ကမမကို တကယ်ချစ်တာပါ’
‘ဟုတ်ရဲ့လားမောင်လေးရယ်။ မင်းအရွယ်က စိတ်ကစားတတ်တဲ့အရွယ်မို့ အကြိုက်ကိုအချစ်လို့ထင် တာနေမှာပါ။ သေသေချာချာစဉ်းစားပါဦး မောင်လေးရဲ့’
မမဘယ်လိုပဲ ကျွန်တော့်ကို နားချချမရပါဘူး။ မမစိတ်မဆိုးဘူး ဆိုတာသိတာနဲ့ မမဆီကအဖြေကို ကျွန်တော် မရမကတောင်းတော့တာပဲ။ နောက်ဆုံးတော့ မမစဉ်းစားမယ်ဆိုတာ ဖြစ်လာတယ်။ ကျွန် တော် က စဉ်းစားမယ်ဆိုတာကိုတောင် အကြာကြီးစဉ်းစားခွင့်ပေးတာမဟုတ်ဘူး။ ၁၀ တန်းဆိုတာကို ကိုင်ပေါက်ပြီး မမဆီက အဖြေကိုရအောင်ညှစ်ယူတော့တာပဲ။ မမမှအဖြေမပေးရင် ၁၀ တန်းမဖြေဘူး တို့၊ စာကျက်ရတာလည်း အဖြေသေချာမသိလို့စိတ်မဖြောင့်နိုင်တဲ့အကြောင်း၊ ဒီအတိုင်းဆို ၁၀ တန်း ကျနိုင်တယ်ဆိုတဲ့ အကြောင်း ပြောရင်းပေါ့။ နောက်ဆုံးမမအဖြေပေးရတော့တာပဲ။
တစ်သက်တာ အမှတ်တရပါ။ မမနှုတ်ဖျားက စီးဆင်းလာတဲ့ တိုးတိုးလေး ချစ်တယ်ဆိုတဲ့ အသံပေါ့။ အဲဒီစကား ကြားတုန်းကရတဲ့ ပျော်ရွှင်မှုဟာဘာနဲ့မှနှိုင်းလို့မရဘူး။ အဖြေမပေးခင် ကျွန်တော့်ကိုမမ ကတိတောင်းတာ တစ်ခုရှိတယ်။ ၁၀ တန်းကို ကောင်းကောင်းဖြေနိုင် ရမယ်ဆိုတဲ့ကတိ။ ကျွန်တော့် ခေါင်း က ပုတ်သင်ညိုဦးခေါင်းလို အဆင်မပြတ်ညိတ်ပြလိုက်တာ အမောပဲ။ ခေါင်းပြတ် ကျမှာတောင် စိုးရတယ်။
ဒီလိုနဲ့မမနဲ့မောင်လေးဇာတ်လမ်းဟာ စာအုပ်ဆိုင်လေးကနေ သင်းပျံ့လို့။ လမ်းပေါ်မှာ၊ မြို့ထဲကဆိုင် တွေ မှာ၊ ဘုရားမှာ၊ ပန်းခြံထဲမှာခြေရာတွေ ထပ်ခဲ့ကြတယ်။ တစ်ယောက်နဲ့တစ်ယောက် စွယ်တော်ရွက် တွေ လို နှစ်လွှာပေါင်းမှ တစ်ရွက်လို့ တစ်သက်လုံး ဒီအတိုင်း သွားမယ် ထင်ထားခဲ့တာ။ အဲဒီအထင်ဟာ တကယ်မဟုတ်မှန်း ကျွန်တော် ၁၀ တန်းကို အောင်မြင်စွာဖြေပြီးတဲ့နောက် သက်သေပြလာ ခဲ့တယ်။
အဲဒါက မမမှာနဂိုကတည်းက လူကြီးချင်း သဘောတူပြီးသား ရှိတယ်ဆိုတာရယ်၊ မမကလည်း မိဘတွေ စိတ်ချမ်းသာအောင် ခေါင်းညိတ်ပြီးသား ဆိုတာရယ်ပေါ့။ မမနဲ့လက်ထပ်မယ့်သူက သင်္ဘောသားဆို လား။ သင်္ဘောကပြန်လာရင် မမတို့က မင်္ဂလာဆောင်ကြတော့မှာတဲ့။ တစုတဝေးတည်း မမရှင်းပြ လိုက်တဲ့ အချိန်မှာ ကျွန်တော့်ကမ္ဘာပျက်ခြင်း စတော့တာပဲ။
အဲဒီလိုမဆောင်ခင်အချိန်တိုလေးအတွင်းမှာ ကျွန်တော်နဲ့မမချစ်သူဖြစ်ခဲ့ကြတာမှားလား၊ မှန်လား ကျွန်တော် မစဉ်းစားတတ်တော့ဘူး။ မမပြောတာတော့ ကျွန်တော့်ရဲ့ ကူညီချင်စိတ်လေးကို မြင်မြင်ချင်း စတွေ့ ကတည်းက ချစ်သွားခဲ့တာတဲ့။ ဒါပေမဲ့ မမက လက်ထပ်မယ့်သူရှိလို့ ကျွန်တော်နဲ့ မပတ်သက်ဖို့ အတတ်နိုင်ဆုံး ထိန်းပါသေးတယ်တဲ့။ ဒါပေမဲ့ ကျွန်တော့် အကျပ်ကိုင်မှုကြောင့် ဒီလိုအဖြစ်တွေဖြစ်လာ တာပါပဲ။ မမကကျွန်တော့်ကို ၁၀ တန်းကိုအောင်မြင်စွာ ကျော်ဖြတ်စေချင်တယ်လေ။ အဲဒါကြောင့် မမ က ကျွန်တော်တောင်းတဲ့အဖြေကို တကယ်လည်းချစ်တဲ့ စိတ်နဲ့ဖြေခဲ့တာပါ။ ကျွန်တော်ကို ချစ်ခြင်းနဲ့ အားအင်တွေပေးခဲ့ တာပေါ့။
ဒါပေမဲ့နောက်ဆုံးမှာတော့ ချစ်ခြင်းကြောင့် ဝေဒနာတွေ ကိုယ်စီရခဲ့ပါတယ်။ မမနဲ့လက်ထပ်မယ့်သူ က နောက်တစ်ပတ်ဆို ပြန်ရောက်မယ်ဆိုတာ မမအကြောင်းစုံ အသိပေးလိုက်တဲ့ အချိန်မှာတော့ ကျွန် တော်လည်း ဘာလုပ်ရမှန်းမသိတော့ဘူး။ စိတ်ပေါက်ပေါက်နဲ့ ကျွန်တော်ပြောတဲ့ စကားကို မမကလက် တွေ့ကျကျ လိုက်လျောခြင်းမရှိခဲ့တာအမှန်ပါ။ ဒီလိုနဲ့အသည်းကွဲလမ်းပေါ်မှာ ကျွန်တော်လျှောက် ခဲ့ရ တယ်။ မမလည်း ခံစားရမယ်ဆိုတာ ကျွန်တော်သိပါတယ်။
တစ်ပတ်လောက်အကြာမှာတော့ လူကြုံနဲ့ဖိတ်စာလေးတစ်စောင် ကျွန်တော့် ဆီရောက်ရှိ လာခဲ့တယ်။ မမနာမည်ဖြစ်တဲ့ သဇင်ဆိုတာနဲ့ မမလက်ထပ်မယ့်သူ သန့်ဇင်ဆိုတဲ့နာမည်တွဲလျက်ပေါ့။ ကျွန်တော့် ကိုမမမျက်နှာမပြခဲ့ပါဘူး။ ပိုခံစားရမှာစိုးလို့ထင်ပါရဲ့။ ဒါပေမဲ့အဲ့ဒီဖိတ်စာလေးကို မမပေးတဲ့နောက်ဆုံး လက်ဆောင်အဖြစ် ကျွန်တော်သိမ်းထားခဲ့ပါတယ်။ မသွားဖြစ်တာက လွဲလို့ပေါ့။
ဖိတ်စာအဟောင်းလေးကိုင်ရင်း အတိတ်ကို ကျွန်တော်အတွေးတွေ လွန်နေခဲ့တာ လေစိမ်းတစ်ချက်ဝေ့ မှလက်ရှိဘဝကို ပြန်ရောက်သွားပါတော့တယ်။ အမှန်ဆိုဒီနေ့က ကျွန်တော်အလွန်အမင်းပျော်ရမယ့် နေ့ပါ။ ဘာဖြစ်လို့ကျွန်တော်မပျော်ရတာလဲ။ ၁၀ တန်းအောင်စာရင်းမှာ ကျွန်တော်ဂုဏ်ထူး သုံးဘာသာ တောင် ထွက်တယ်လေ။
ပျော်စမ်း၊ ပျော်စမ်းလို့ ကိုယ့်ကိုယ်ကိုယ်အားပေးပေမယ့် ကျွန်တော်မပျော်ရွှင်ခဲ့ဘူး။ မမစိတ်နဲ့ ကျွန် တော်ကြိုးစားခဲ့တဲ့ရလဒ်က အခုသီးပွင့်လာတာ။ မမမြင်ကြည့်လှည့်လို့ ပြောချင်ပေမယ့် မဖြစ်နိုင်တော့ ပါဘူး။ အခုဆိုမမမှာ ကာမပိုင်ခင်ပွန်းရှိနေပြီလေ။ ဟူး . . . ဆိုပြီး မမကြောင့် ကျွန်တော်သက်ပြင်းချမိ တယ်။ ဒီလိုသက်ပြင်းချတာ ဘယ်နှကြိမ်မြောက်မှန်းလည်း ကျွန်တော့်ကို ကျွန်တော်မရေတွက်နိုင် တော့။
စံတော်ချိန်သတင်းစာ
နိုဝင်ဘာ (၁၉) ရက်၊ ၂၀၁၄ ခုနှစ်
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+