နေလောင်ကွက်များ ညတွင်းချင်း သက်သာပျောက်ကင်းနည်း
နေလောင် ကွက်တွေကြောင့် ဘာမှ စိတ်ညစ် မနေပါနဲ့။ ဟောဒီမှာ ညတွင်းချင်း သက်သာပျောက် ကင်း စေတဲ့ နည်းလမ်းကောင်းလေး ရှိပါတယ်။ သန့်ရှင်း လတ်ဆတ်တဲ့ ချည်သားအဝတ်စ၊ ပန်းသီး ရှာလကာ ရည် (ခေါ်) Apple Cider Veniga (City Mart တွင်ရှိ)၊ အမွှေး ရနံ့မပါသော သဘာဝ အုန်းဆီ စစ်စစ်တို့ လိုအပ်ပါတယ်။
ရှေးဦးစွာ အဝတ်စခြောက်ခြောက်ကို စိုစွတ်သွားအောင် ရေဇလုံတစ်ခုထဲမှာနှစ်စိမ်ပြီး ထိုရေများကုန် စင်အောင်ညှစ်ပါ။ ပြီးရင်အဝတ်စကို ပန်းသီးရှာလကာရည် ပက်ဖျန်းပြီးထိုအဝတ်စဖြင့် နေလောင် ကွက်ပေါ် အသာအယာဖိ၍ ကြပ်ထုပ်ထိုးပေးပါ။ ချက်ချင်းဆိုသလို နာကျင်မှုဝေဒနာများ သက်သာ ပျောက်ကင်း သွားပါလိမ့်မယ်။ ကြပ်ထုပ်ထိုးပြီးနောက် အရေပြားခြောက်သွေ့အောင် ၁၀ မိနစ်လောက် စောင့်ပြီး အုန်းဆီဖြင့် နေလောင်ကွက်ပေါ် ခပ်သာသာဖိ၍ အသားထဲစိမ့်ဝင်သွားအောင် လိမ်းပေးပါ။ နံနက်အိပ်ရာ ထတဲ့အခါ နေလောင်ကွက်များ သိသိသာသာ လျော့ပါးသွားတာကို ဒိဋ္ဌမြင်တွေ့ရပါလိမ့် မယ်။ နောက်နေ့တွေမှာလည်း အုန်းဆီဆက်လက် လူးပေးခြင်းဖြင့် နေလောင်အရေပြားများ အလွှာ လိုက် ကွာကျသွားစေပါတယ်။
နေလောင်ကွက်များကို သတ်သာစေတဲ့ အခြားအိမ်တွင်း ကုထုံးလေးများကတော့
(၁) ကွေကာအုတ်အခြောက်ကို ချည်သား အဝတ်အိတ်သန့်သန့်ထဲထည့်၍ ရေဇလုံတစ်ခုထဲနှစ်စိမ် ပါ။ ကွေကာအုတ်အရည်ရစေဖို့ အဝတ်အိတ်ကို အဲဒီဇလုံထဲမှာပင် ညှစ်ယူပါ။ ရလာသောကွေကာ အုတ်အရည်ဖြင့် နေလောင်ကွက်များပေါ် ၂ နာရီခြားတစ်ခါ လိမ်းပေးပါ။
(၂) အဆီထုတ်ထားသော နွားနို့တစ်ခွက်ကို၊ ရေလေးခွက်ရော၍ ရေခဲတုံးအနည်းငယ်ထည့်ပါ။ ထိုနို့ရည်အေးအေးဖြင့် နေလောင်ကွက်များပေါ် ၁၅ မိနစ်လျှင် တစ်ကြိမ်စီလိမ်းပေးပါ။
(၃) ပြောင်းဖူးကော်မှုန့် (ခေါ်) Cornstarch ကိုရေနည်းနည်းဖြင့် ပျစ်အောင်လုပ်ပြီး၊ နေလောင် ကွက်ပေါ် လိမ်းပေးနိုင်ပါတယ်။ (ပြောင်းဖူးကော်မှုန့်ကို City Mart တွင် ရရှိနိုင်၏။)
(၄) ဆလတ်ရွက်ကိုပြုတ်၍ ရလာသောအရည်ဖြင့် နေလောင်ကွက်များပေါ် လိမ်းပေးပါ။ (ပိုလျှံ သော ဆလတ်ရွက်ပြုတ်ရည်များကို ရေခဲသေတ္တာထဲ သိမ်းထားပြီး နောက်နေ့ဆက်သုံးနိုင်ပါတယ်။)
(၅) နေလောင်ကွက်များပေါ် ဒိန်ချဉ် လိမ်းပေးပြီးနောက် ရေအေးဖြင့် ရေချိုးပါ။
(၆) တစ်ခါသောက် လက်ဖက်ခြောက်ထုပ်တွေကို ရေနွေးစိမ်သောက်ပြီးနောက် စွန့်မပစ်ပါနဲ့။ လက်ဖက်ခြောက်ထဲတွင် ပါရှိသော tannic အက်ဆစ်ဓာတ်များက မျက်ခွံမို့ရောင် ကိုင်းခြင်းနဲ့ နေ လောင် ကွက်များကို ပျောက်ကင်းစေနိုင်လို့ပါပဲ။ ထိုလက်ဖက်ခြောက် အစိုထုပ်ကလေးများကို အအေး ခံပြီး သုံးပေးနိုင်ပါတယ်။
အလှအပမြတ်နိုးသူတိုင်း လှသထက်ပို၍ လှနိုင်ကြပါစေရှင်။
ကြေးမုံသတင်းစာ
မတ်လ (၉) ရက်၊ ၂၀၁၅ ခုနှစ်
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+