ကျွန်တော်တို့ ကလေးတွေ

ကလေး ၁။

မြို့ပြနဲ့ ခပ်လှမ်းလှမ်း၊ လူနေ အိမ်ခြေတွေနဲ့ ခပ်ဝေးဝေး၊ တော ရိပ်တောင်ရိပ်နဲ့ ခပ်အေးအေး နေရာတစ်ခုမှာ ဧကတွေ အများ ကြီးကျယ်တဲ့ ဘုန်းကြီးကျောင်းတိုက်ကြီးတစ်ခု ရှိတယ်။ တရားရှာလိုတဲ့ ရဟန်းတွေ၊ စာသင်သား ရဟန်း သာမဏေတွေ အပြင် ဖိုးသူတော်လေးတွေ၊ ဘုန်းကြီးကျောင်း သားလေးတွေနဲ့ ဆွမ်း ကျန်တွေစားပြီး ကျောင်းမှာ ကပ်နေ တဲ့ ခွေးကြီး၊ ခွေးလတ်၊ ခွေးငယ် အရွယ်စုံတွေ၊ သီးပင်၊ စားပင်၊ အရိပ်ရ သစ်ပင်ကြီးတွေပါ ကျောင်းဝင်းကြီးထဲမှာ ရှိတယ်။

နေ့လယ်နေ့ခင်း ဘုန်းကြီးတွေ ဆွမ်းစားပြီးချိန်၊ ဆွမ်းကျန် စားပြီးတဲ့ ခွေးတွေတောင် အရိပ်ကောင်းရာ မှာ အေးအေး လူလူ တွင်းတိမ်တိမ်တူးပြီး အိပ်နေတတ်ကြတဲ့ အချိန်လောက်မှာပေါ့။ နေပူပူအောက်က သီဟိုဠ်ပင် အုပ်အေးအေးအောက်မှာ ခုနစ်နှစ်၊ ရှစ်နှစ်အရွယ် ကိုရင်လေးတစ်ပါး တစ်ပါးတည်း ဆော့နေ တယ်။ မိဘနှစ်ပါးလုံး ဆုံးပါးသွားလို့ အားကိုးရာမဲ့နေတဲ့ သူငယ်လေးကို ကိုရင်ဝတ်ပေးထားပြီး ဘုန်းကြီးကျောင်း မှာ စောင့်ရှောက်ပေးထားတာပါ။ ဆော့ကစားတတ်တဲ့ အရွယ်မို့ ဆော့ကစားတာ မဆန်း ပါဘူး။ သာမန်မြို့ပြနေလူတွေရဲ့ အမြင်မှာ ဆန်းချင်ဆန်းတယ်လို့ ဆိုနိုင်တာက သူ့ရဲ့ကစားနည်း။ ဝါးခြမ်းပြား ကိုင်ထားတဲ့ သူ့လက်သေးသေးလေးကို လေထဲမှာ ဆန့်တန်းရင်း ခြေထောက်တွေက သိုင်းကွက်နင်းလို့ ဓားခုတ်ဟန် လုပ်နေတယ်။ နောက် လက်ထဲက ထက်မြလှတယ်လို့ သူယူဆထားတဲ့ ဝါးခြမ်းပြား ဓားမဟာကြီးကို ခပ်မြင့်မြင့် မြှောက်ကိုင်လိုက်ပြီး အားရပါးရ ကြွေးကြော်ကြုံးဝါး လိုက်တယ်။

“အင်္ဂုလိမာလတဲ့ဟေ့” တဲ့။

အဲဒီနောက် “ဒက်ဂလုပ် ဒက်ဂလုပ်” လို့ ပါးစပ်ဆိုင်းတီး ခုန်ဆွခုန်ဆွ မြင်းစီးရင်း အင်္ဂုလိမာလ တစ်ယောက် သီဟိုဠ်ပင်အုပ်ကြားမှာ ပြေးလွှားပျောက်ကွယ် သွားပါတော့တယ်။

ကလေး ၂၊ ၃။

ပုဂံဒေသက နိုင်ငံခြားသားတွေ အမြဲလာတတ်တဲ့ ဘုရားတစ်ဆူမှာ။ ဘုရားဖူး ထွက်လာကြတဲ့ တက္ကသိုလ်ကျောင်းသား ကျောင်းသူတစ်စု နောက်ကို ဆယ်နှစ်၊ ဆယ့်တစ်နှစ်အရွယ် အဝတ် အစား နွမ်းညစ်ညစ် ဝတ်ထားတဲ့ ကလေးနှစ်ယောက်က ထက်ကြပ်မကွာ ကပ်လိုက်နေတယ်။ ပါးစပ် ကလည်း “မုန့်ဖိုးလေးပေးပါ...မုန့်ဖိုးလေးပေးပါ” ဆိုပြီး တကျည်ကျည်အော်လို့။ ကျောင်းသူကျောင်း သားလေးတွေကတော့ ဘာမှပြန်မပြောဘဲ ခပ်သွက်သွက်ပဲ ခြေလှမ်းလို့ သုတ်ခြေတင်နေကြလေရဲ့ ။

ဇွဲကောင်းလွန်းလှတဲ့ ကလေးနှစ်ယောက်ကို စိတ်မရှည်တော့တဲ့ လူငယ်တစ်ယောက်က မသိမသာ နောက် ချန်နေခဲ့ပြီး ကလေးတွေကို မျက်နှာချင်းဆိုင် လိုက်တယ်။ မျက်နှာထား တင်းတင်းနဲ့ တစ်ခုခုလုပ်မယ့် ဟန်ပြင်ရင်း သူတို့ကို ရင်ဆိုင်လိုက်တဲ့ လူငယ်ကို ကလေးတွေက မျက်နှာငယ်လေးတွေနဲ့ ကြည့်နေတုန်း-

“မင်းတို့ ဘာလို့ ပိုက်ဆံအလကား လိုက်တောင်းနေရတာလဲ” တဲ့။ ခပ်တင်းတင်း မေးလိုက်တယ်။

“ကျွန်တော်တို့ အလကား မတောင်းပါဘူး၊ ဘုရားသမိုင်းတွေ ရှင်းပြတဲ့ အလုပ်လုပ်ပြီး တောင်းပါတယ်” လို့တစ်ယောက်က ပျာပျာသလဲပြောတယ်။

နောက်တစ်ယောက်ကလည်း အမြန်ဝင်ပြောတယ်။

“မြန်မာလိုရော၊ အင်္ဂလိပ်လိုပါ ကျွန်တော်တို့ ရှင်းပြနိုင်ပါတယ်”

ကလေးတွေရဲ့ စကားကို မျက်မှောင်ကြုတ် နားထောင်ပြီးတော့ လူငယ်က ပြောလိုက်တယ်။

“ဒါဖြင့် မင်းတို့ ငါ့ကို ရှင်းပြကြ” တဲ့။ “တစ်ယောက်က မြန်မာလို ရှင်း၊ နောက်တစ်ယောက်က အင်္ဂလိပ်လို ရှင်း” တဲ့။

ကလေးနှစ်ယောက်ရဲ့မျက်နှာ ဝင်းသွားပြီး အလုအယက် သူတို့ ကျက်ထားတဲ့ စာသားတွေကို ရွတ်ပြ ကြပါတော့တယ်။ ဒီဘုရားကို အနော်ရထာဘုရင် တည်ခဲ့တာ ဖြစ်တဲ့အကြောင်း၊ အံ့ဖွယ်တွေ ရှိကြောင်း၊ မတ်တတ်ရပ် ဆင်းတုတော်ကြီး လေးဆူရှိတဲ့ အကြောင်း စသည်ဖြင့် အဆက်မပြတ် ရွတ်ကြပါတော့တယ်။ အင်္ဂလိပ်လိုပြောတဲ့ ကလေးကတော့ တစ်ခွန်းပြောလိုက်၊ မြန်မာလိုမေးလို့ ပြန် ရှင်းပြလိုက်နဲ့ ပတ်ချာ လည်နေတော့တယ်။ သူကလည်း အင်္ဂလိပ်စကား အကျိုးအပဲ့လေးတွေကို ကျက်မှတ်ပြီး အသံထွက်လေး မပီကလာနဲ့ ပြောရတာကိုး။ နားထောင်သူ ဘယ်နားလည်လွယ်ပါ့မလဲလေ။

အဲဒီလို ရွတ်ဖတ်ပြပြီးတဲ့အခါမှာ ဘုရားပေါ်က အံ့ဖွယ်နေရာတွေကို ခေါ်သွားပြီး ရှင်းပြကြပြန်တယ်။

ဒါကတော့ ကျန်စစ်သားရဲ့ လှံတံထောက်သွားတဲ့ နေရာဖြစ်ကြောင်း၊ ဒီရေအိုင်သေးသေးလေးထဲကို ဘယ်လိုကြည့်ရင် ဘုရားထီးတော်ကို မြင်ရကြောင်း ဘာညာ စသည်ဖြင့်ပေါ့။

လူငယ်က ကလေးတွေရဲ့ ဘဝအကြောင်းကို မေးပြန်တယ်။ တစ်ယောက်က အဖေဆုံးသွားပြီး အမေနဲ့ အတူ အလုပ်လုပ်လို့ အငယ်တွေကို ရှာဖွေပေးနေရတဲ့သူ။ နောက်တစ်ယောက်က အဖေရော အမေရော ကျပန်းလုပ်ကိုင်ပြီး ကျွေးတာတောင် အိမ်မှာ ညီအစ်ကိုမောင်နှမ များလွန်းလို့ စားသောက်လို့ မလောက် သူ။ နှစ်ယောက်လုံးက နှစ်တန်း၊ သုံးတန်းနဲ့ ကျောင်းထွက်ထားကြသူတွေ။

“နောက်ဆို အလကားနေရင်း ပိုက်ဆံလိုက်တောင်းမနေကြနဲ့။ အလုပ်တစ်ခုခု လုပ်ပြီး ပိုက်ဆံရှာကြ၊ ခုလိုမျိုး ဘုရားသမိုင်း ရှင်းပြတာပဲဖြစ်ဖြစ် ဘာဖြစ်ဖြစ်ပေါ့” လို့ လူငယ်က ပြောရင်း ငွေစက္ကူတချို့ကို ကလေးနှစ်ယောက် လက်ထဲ ထည့်ပေးလိုက်တယ်။ ပြီးတော့ ကလေးနှစ်ယောက်ကို နှစ်နှစ်ခြိုက်ခြိုက် ပြုံးပြလိုက်တယ်။

ဘုရားစောင်းတန်းက ထွက်သွားတဲ့ လူငယ်ကို ကလေးနှစ်ယောက်က ပျော်ရွှင်စွာ လက်ပြရင်း

“အစ်ကိုကြီး...နောက်တစ်ခေါက်ဆိုရင် တိုက်ကြီးကြီး၊ အိမ်ကြီးကြီး၊ ကားကြီးကြီးနဲ့ ပြန်လာနိုင်ပါစေ” လို့ တစ်ယောက်လည်ပင်း တစ်ယောက်ဖက်ကြလို့ အော်ဟစ်ဆုတောင်းပေးကြရင်း ဘုရားစောင်းတန်းမှာ ကျန်ခဲ့ကြတယ်။ နောက်ထပ်လာမယ့် ဘုရားဖူးတွေကို မျှော်ကြည့်ရင်းနဲ့ပေါ့။

ကလေး ၄။

မြန်မာပြည်က ရွှေမြို့တော်ကြီးတစ်ခုရဲ့ ယာဉ်ကြောရှုပ်လှတဲ့ မီးပွိုင့်တစ်ခုမှာ မီးနီလို့ ခဏရပ်ထားတဲ့ ကားလေးတွေ ရှိတယ်။ အသက် ဆယ်နှစ်အရွယ် ကောင်လေးတစ်ယောက်က ရပ်ထားတဲ့ ကားတွေ ရှိရာကို ပြေးသွားပြီး ကားတစ်စီးနား ကပ်လိုက်တယ်။ ပြီးတော့...

“အစ်ကိုရေ မုန့်ဖိုးလေးပေးခဲ့ပါ” တဲ့။

“မင်းက ဘာလို့ ပိုက်ဆံအလကား တောင်းရတာလဲ”

မိဘပိုက်ဆံ လက်ဖြန့်တောင်းရင်း ကျောင်းတက်နေဆဲ ကားမောင်းသူလူငယ်က မေးလိုက်တယ်။

နောက်...မီးပွိုင့်ရဲ့ တခြားဘက်အခြမ်းမှာ ပန်းလေးတွေ လိုက်ရောင်းနေတဲ့ ဒီကလေးနဲ့ ရွယ်တူကောင်လေး တစ်ယောက်ကို လက်ညှိုးထိုးပြလိုက်ရင်း-

“သူတို့လို အလုပ်လုပ်ပါလားကွ။ မင်းမရှက်ဘူးလား” လို့ ထပ်ပြောလိုက်ပြန်တယ်။

ပိုက်ဆံတောင်းသူ ကလေးက လူငယ်ညွှန်ပြရာကို တစ်ချက်ကြည့်လိုက်တယ်။ ပြီးတော့-
“အောင်မာ...သူတို့က ကျွန်တော့်လောက် ပိုက်ဆံရလို့လား”လို့ ဂုဏ်ယူဝင့်ကြွားစွာ ပြောရင်း နောက် ကားတစ်စီး ရှိရာကို ခပ်တည်တည် လျှောက်သွားပါတော့တယ်။ လူငယ်ကတော့ ကားလက်ကိုင်ဘီးကို တင်းတင်းဆုပ်ရင်း ပါးစပ်အဟောင်းသားနဲ့ ကျန်ခဲ့လေရဲ့ ။

ကလေး ၅။

ခေတ်မီတိုးတက်တဲ့ နိုင်ငံငယ်လေးတစ်ခုက နာမည်ကျော် ဟိုတယ်ကြီးတစ်ခုထဲမှာ မြန်မာလူငယ်ကျောင်း သားလေးတွေ အချိန်ပိုင်း အလုပ်လုပ်ကြတယ်။ တချို့ က ကျောင်းတက်ရင်း သုံးစွဲဖို့အတွက်၊ တချို့က နေ စရိတ်နဲ့ ကျောင်းလခအတွက် စားပွဲထိုး အလုပ်လုပ်ကြတာပါ။

တစ်နေ့မှာ အဲ့ဒီထဲက လူငယ်တစ်ယောက်က အနောက်နိုင်ငံသားတွေ ထိုင်တဲ့ စားပွဲဝိုင်းတစ်ခုကို တာဝန် ယူရတယ်။ ဝိုင်းထဲမှာ အနောက်နိုင်ငံသား ခုနစ်နှစ်၊ ရှစ်နှစ်အရွယ် ကလေးတစ်ယောက်လည်း ပါတယ်။ ဝိုင်းထဲကလူတွေ စားသောက်နေကြချိန်မှာ စားပွဲထိုးလူငယ်က ဖန်ခွက်တွေထဲကို သောက်ရေ လိုက်ဖြည့်ပေးပါတယ်။ အသားဖြူဖြူ၊ နှာခေါင်းချွန်ချွန် ကလေးငယ်လေးရဲ့ ခွက်ကို ရေဖြည့်ပေးလိုက်တဲ့ အချိန်မှာတော့ လူငယ်အတွက် စားသောက်သူတွေဆီကနေ မကြုံဖူးတဲ့၊ ကြည်နူးစရာကောင်းတဲ့၊ အားကျစရာကောင်းတဲ့ တုံ့ပြန်မှုတစ်ခုကို ကလေးငယ် တစ်ယောက်ဆီက မမျှော်လင့်ဘဲ ရလိုက်တယ်။

“Thank you, Sir” တဲ့။

ရှစ်နှစ်အရွယ် ကလေးတစ်ယောက်က ဟိုတယ်စားပွဲထိုး တစ်ယောက်ကို ယဉ်ယဉ်ကျေးကျေး၊ “Sir” ထည့်ပြီး ကျေးဇူးတင်စကားဆို ဆက်ဆံလိုက်တာပါ။ လူငယ်ကတော့ ယဉ်ကျေးတဲ့သူငယ်နဲ့ သူငယ်ရဲ့ ထူးချွန်တဲ့ မိဘတွေကို အမှတ်ထင်ထင် အထင်ကြီးလေးစားရင်း ကလေးတွေ အကြောင်းကို အတွေး နယ်တွေချဲ့လို့...။

ကလေး ၆။

အရှေ့တောင်အာရှက လူမျိုးပေါင်းစုံ နေထိုင်တဲ့ နိုင်ငံငယ်လေး တစ်ခုထဲမှာ အများပြည်သူအတွက် သယ်ယူပို့ဆောင်ရေး ယာဉ်အမျိုးမျိုး ရှိတယ်။ ကား၊ ရထား စသည်ဖြင့် အမျိုးမျိုးရှိတဲ့ထဲက လှပတဲ့ ဒီသာမန် အဖြစ်အပျက်လေးက သာမန် ဘတ်စ်ကားတစ်စီးပေါ်မှာ ဖြစ်ပျက်ခဲ့တာ။

ဂိတ်ဆုံးလို့ မှတ်တိုင်ကို ထိုးဆိုက်ဝင်ရောက်လာတဲ့ ကားထဲမှာ မြန်မာ၊ မလေး၊ တရုတ်၊ အိန္ဒိယ၊ အင်ဒိုနီးရှား စသည်ဖြင့် လူမျိုးပေါင်းစုံ ပါတယ်။ ရှည်လျားလှတဲ့ဘတ်စ်ကားရဲ့ ဖွဲ့စည်းပုံက အလယ်မှာ လူသွားလမ်း၊ ဘေးတစ်ဖက်တစ်ချက်မှာ ထိုင်ခုံတွေနဲ့ လိုင်းကားတစ်စီးရဲ့ ပုံမှန်ဖွဲ့စည်းပုံပေါ့။

မှတ်တိုင်ကိုရောက်လို့ ကားရပ်လိုက်ချိန်မှာ လူအသီးသီးက သူ့ထက်ငါ ကားပေါ်က အရင်ဆင်းရရေး ကြိုးစားလို့။

ကားမရပ်ခင် ထိုင်ရာကထ အပေါက်နားသွားရပ်သူ၊ ထိုင်ခုံဘေးက လူသွားလမ်းကို အသင့်ထွက် ရပ်ထားသူနဲ့ အားလုံး လှုပ်လှုပ်ရွရွပါပဲ။

ထွက်ပေါက်တံခါးနဲ့ ကပ်ရပ်ကာထားတဲ့ သံတန်းတွေနောက်က ခုံမှာထိုင်နေတဲ့ ကိုယ်ဝန်ဆောင် အမျိုးသမီး တစ်ယောက် ရှိတယ်။ ကားရပ်မှ ခုံပေါ်က ထတဲ့အတွက် ကားပေါ်က ဆင်းဖို့ရာ ကားအလယ်က လူသွားလမ်း ရှင်းချိန်ကို စောင့်နေရတယ်။

အဲဒီအချိန်မှာ လူသွားလမ်းအတိုင်း လျှောက်လာတဲ့ မလေးလူမျိုး ကလေးမလေး တစ်ယောက်၊ ရှစ်နှစ်၊ ကိုးနှစ်အရွယ်လေးက လူကြီးတွေ မလုပ်တဲ့ အလုပ်တစ်ခုကို အမှတ်မထင် လုပ်လိုက်တယ်။

ကားနောက်ပိုင်းကနေ အလယ်ပိုင်းထွက်ပေါက် ရှိရာကို သွားနေရာက ကိုယ်ဝန်ဆောင် အမျိုးသမီးရှိရာ အရောက်မှာ ခဏရပ်၊ ပြီးတော့ ထိုင်ခုံထဲက ကိုယ်ဝန်ဆောင်အမျိုးသမီးကို အပြုံးတစ်ပွင့်နဲ့အတူ လက်လေး ဆန့်တန်းပြလို့ အရင်သွားခွင့်ပြုလိုက်တာပါ။ ပန်းတွေ မပွင့်နေပေမယ့် လှပတဲ့ အရာလေးတွေက နေရာ တိုင်းမှာ ရှိနေတတ်တာမျိုးပါလား။ ကျေးဇူးတင်စကားဆိုရင်း ကားပေါ်က ဆင်းသွားတဲ့ ကိုယ်ဝန်ဆောင် အမျိုးသမီးနောက်မှာတော့ ကလေးမလေးက သာမန်လုပ်ရိုးလုပ်စဉ် အလုပ်တစ်ခုကို လုပ်လိုက်တဲ့ သာမန်မျက်နှာလေးနဲ့ ကားပေါ်က ဆင်းသွားလို့...။

ကလေး ၁၀၀၊ ၁၀၀၀၊ ၁၀၀၀၀၊ ၁၀၀၀၀..................... ။

ကျင်လည်ရာ ပတ်ဝန်းကျင်၊ သင်ကြားပို့ချသူ၊ သူတို့ရဲ့ဘဝပေး အခြေအနေတွေက ကျွန်တော်တို့ ကလေးတွေရဲ့ အသိပညာ၊ အတွေးအခေါ်နဲ့ အပြုအမူကို ထိမ်းကျောင်းပြုပြင်ပေး သွားတာပါ။ ကလေး ဘဝကို ပီပီပြင်ပြင် သာယာပျော်ရွှင်ခွင့်ရတဲ့၊ သူတစ်ပါးပစ္စည်းကို အချောင်မယူလိုတတ်တဲ့၊ အတွေးအခေါ် မှန်ကန်တဲ့၊ ကိုယ့်အားကိုယ်ကိုးတတ်တဲ့၊ သူတစ်ဖက်သားအပေါ် စာနာတတ်တဲ့၊ အကောင်းမြင်စိတ်နဲ့ ကြိုးစားတတ်တဲ့ ကလေးလေးတွေ ဖြစ်လာဖို့အတွက် လက်ရှိ ကျွန်တော်တို့မျိုးဆက်မှာ တာဝန်ရှိပါတယ်။ အသိဉာဏ်ပညာကြီးစိုးတဲ့ လူ့အသိုက်အဝန်း၊ ကလေးတစ်ယောက်အတွက် သင့်တော်တဲ့ ပတ်ဝန်း ကျင်၊ ကောင်းမွန်တဲ့ စံနမူနာပြမှု၊ လုံခြုံစိတ်ချရတဲ့ ဘဝနဲ့ ပြည့်စုံလုံလောက်တဲ့ လူနေထိုင်မှုပုံစံကို ဖန်တီးပေးနိုင်ဖို့ ကြိုးစားကြရမှာပါ။ ဒီလိုမှသာ နောက်မျိုးဆက်တစ်ခုကို ရောက်တဲ့အခါမှာ စိတ် ဓာတ်ကောင်းမွန်တဲ့၊ အသိဉာဏ်ပညာ မြင့်မားတဲ့၊ ထူးချွန်ထက်မြက်တဲ့၊ နိုင်ငံကြီးသားပီသတဲ့ လူငယ်တွေ က ကျွန်တော်တို့ နိုင်ငံကို ဦးဆောင်နိုင်မှာ ဖြစ်ပါတယ်။

(ကလေးတွေ လမ်းမှန်ရောက်ဖို့က လူကြီးတွေမှာ တာဝန်ရှိပါတယ်)

ကိုထက်
The Voice Journal
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+

ဆက်စပ်ဖတ်ရှုရန် အကြောင်းအရာများ...