သုံးစက္ကန့်အတွင်း ကြက်ဥ၊ ဘဲဥ အခွံနွှာနည်း
လက်နဲ့ ဥအခွံနွှာတဲ့အခါ အခွံမှာ အသားစ ကပ်ပါ သွားတာတွေလည်း ဖြစ်ဖူးကြမှာပါ။ အခွံတဲ့ပုံစံမကျလို့ ပုံပျက် ပန်းပျက် ကြက်ဥ၊ ဘဲဥပြုတ်ကို ရလိုက်တဲ့ အခါတွေရှိမှာပါ။ အခုဖော်ပြပေးမယ့်နည်းက Youtube အသုံးပြုသူ တစ်ဦး တင်ပေးထားတဲ့ ကြက်ဥ အခွံခွာ နည်းဖြစ်ပါတယ်။ ဘာပစ္စည်းကိရိယာမှ မလိုပဲ သုံး စက္ကန့်လောက် အတွင်းမှာတင် ဥ အခွံနွှာပြီးသား ပုံစံကို သင်ရပါလိမ့်မယ်။ ကျက်နေအောင် ပြုတ်ထားတဲ့ ကြက်ဥ ဒါမှမဟုတ် ဘဲဥကို ဖန်ခွက်ငယ်ထဲ ထည့်ပြီး ရေလေးပုံ တစ်ပုံလောက် ထည့်ရမှာဖြစ်ပါတယ်။
ကြက်ဥအောက်ခြေ မြုပ်တယ်ဆိုရုံလောက် ရေထည့်ပြီးရင် ဖန်ခွက်အဝကို လက်နဲ့ ပိတ်ပြီး ခပ်ပြင်းပြင်းလေး လှုပ်ပေး ရမှာဖြစ်ပါတယ်။ Milk Shake ဖျော်ရည် ဖျော်သလိုမျိုး သုံးစက္ကန့်လောက် ဘေး တိုက် လှုပ်ရမ်းလိုက်ရမှာပါ။ လှုပ်ခပ်ပြီးတဲ့အခါ ကြည့်လိုက်ရင် ကြက်ဥ၊ ဘဲဥ အခွံက ကျွတ်သွားမှာတော့ မဟုတ်သေးပါဘူး။ ဒါပေမယ့် အခွံကို ဆွဲယူကြည့်လိုက်တဲ့အခါ အလွယ်တကူ ပါလာပါလိမ့်မယ်။ ကြက်ဥ၊ ဘဲဥတွေကို လက်နဲ့အမြဲတမ်းခွာလာတဲ့ နည်းလမ်းဟောင်းကို စွန့်ခွာဖို့ ဒီနည်းလမ်းက အသင့်တော်ဆုံးဖြစ် ပါတယ်။
Ref - dailymail
Planet Myanmar News
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+