Weight gain လှယုံမက ဝချင်သေးပါလျှင်
၂။ သမီးက ဝချင်တာ ဘာလုပ်ရမှန်း မသိဘူး စိတ်ညစ် တယ်။ ပေါင်ရှစ်ဆယ်ပဲရှိလို့။
၃။ သမီးနာမည်က့့ ပါ။ သမီးက အသက် ၂၁ နှစ်ရှိပါပြီး။ အရမ်းပိန်လို့ ဝချင်ပါတယ်၊၊ Estrongen compound Zdranol ဆေးကို ထိုးမယ်ဆိုရင် အရမ်းဝလာမှာလား သိချင်လို့ပါ။ စားဆေး ရှိရင်လည်း ညွန်ပြစေ ချင်ပါတယ်။ တစ်ခြားဆေးတွေ ရှိရင်လည်း သိချင်ပါတယ်ရှင့်။
ဒီမေးခွန်းကလဲ ဝချင်သူတွေနဲ့ ဆတူလောက် များတာဘဲ။ ကိုယ်အလေးချိန် တိုးချင်တာ လွယ်တဲ့ကိစ္စတော့ မဟုတ်ပါ။ ငါးကျီးခြောက်ကြပ်တင်လို့၊ ငါးဖေါင်ရိုးခြောက်လို့ အခေါ်ခံနေရသူများလို၊ မွေးရာပါ မျိုးဗီဇကိုက ခပ်ပိန်ပိန် သမားများအတွက်ဆို ပိုခက်မည်။ ငါးမှာတောင် ပိန်ရင် ငါးရာမသွင်းဘူး ထင်ပါရဲ့။
ဝချင်ရင် အရင်ဆုံး ရောဂါဘယတွေ ကင်းနေဘို့ လိုပါတယ်။ သိတဲ့အတိုင်း နာတာရှည် ရောဂါတွေက လူကို ပိန်သွား စေပါတယ်။ TB, HIV-AIDS ကင်ဆာ၊ လည်ပင်ကြီးဟော်မုန်း များနေသူ စတာတွေပါ။ တီဘီ ဖြစ်နေသူ တယောက် ဆေးပါတ်လည်လို့ ပျောက်လာရင် သေခြာပေါက် ဝလာပါတယ်။ တိတိကျကျ ဆိုရရင် ညိုပြီးဝလာတာပါ။
ခပ်လွယ်လွယ် သဘောပေါက်အောင်ပြောရရင် ဝချင်ရင် ကြီးကြီးကြံပါလေ။ အိန္ဒိယကို ရောက်ခါစ ဦးမောသီရိ ဆိုတဲ့ စာပေဆုရဘူးသူ မိတ်ဆွေကြီးကပေးတဲ့ အကြံတခုက ဘာလဲဆိုတော့ တံငါဖြစ်မှတော့ ငါးကြီးကြီးမျှားပါတဲ့။ ကြီးကြီးကြံဘို့ရာ တခါစားများများ၊ အကြိမ်လဲများများ၊ ထမင်းလုပ်ကြီးကြီး၊ ထမင်း ပန်းကန်အစား ဇလုံ၊ ဇွန်းဆိုရင် ယောက်ချိုဇွန်းသုံးပါ။
ဝချင်ရင် အလေး(ဝိတ်) မ, တာ ငြင်းစရာတော့ မရှိပါ။ များများစားဘို့လောက်တော့ မထိရောက်ပါ။ ပိန် သူတွေရဲ့ ဇီဝကမ္မ ဆိုတဲ့ သက်ရှိတို့ ထုံးစံလုပ်ပေးနေရတဲ့ ဖြစ်စဉ်ကိုယ်၌က မြန်မြန်ကြီး လုပ်နေသူတွေ ဖြစ် လို့ (ကယ်လိုရီ) တွေ ပိုရဘို့ လိုပါတယ်။ စာသင်သလို ပြောရရင် အဆင့် ၅ ဆင့်ရှိတယ်။ ကိုယ်အလေးချိန် ချိန်ထားပါ။
၁။ ခါတိုင်း တနေ့မှာ (ကယ်လိုရီ) ဘယ်လောက် စားနေသလဲ။
၂။ စားနေတာထက် ၅ဝဝ (ကယ်လိုရီ) ပိုစားပါ။ စားနိုင်အောင် တနေ့ ၃ ထပ်ကနေ ၄-၅ ထပ် စားပြစ် လိုက်ပါ။
၃။ (ဝိတ်) မ, ပါ။ Gym သွားချင်သွား၊ အိမ်မှာဘဲ လုပ်လုပ်။
၎။ အလေးချိန် ပြန်ချိန်ပါ။ တပါတ်အပြီး ၁-၂ ပေါင်တိုးရင် ကောင်းတယ်။ ၁ဝ ပေါင် မတိုးချင်ပါနဲ့။ ကျန်း မာရေးအရ အကောင်း မဟုတ်ပါ။ ၁ လကုန်ရင် ၅-၈ ပေါင် တိုးတာ ကောင်းတယ်။
၅။ အလေးချိန် ဆက်မတိုးရင် နောက်ထပ် (ကယ်လိုရီ) ၂၅ဝ ပိုစားပါလေ။
တနေ့ (ကယ်လိုရီ) ဘယ်လောက်လိုတာ သိဘို့ ဦးတိကျ တွေအတွက် ဖေါ်မြူလာ ရှိတယ်။ အရင်ဆုံး ဘာမှမလုပ်ဘဲ နေတဲ့ အချိန်မျိုးမှာ လိုမဲ့နှုန်းထားကို တွက်ရတယ်။ Resting Metabolic Rate (RMR) လဲခေါ်တယ် Basal Metabolic Rate (BMR) လဲခေါ်တယ်။ လမ်းလဲမလျောက်၊ ပြေးလဲမပြေး၊ အသားလေးနေတုံး ကိုယ်ခန္ဓာက အသက်ရှူဘို့၊ နှလုံးခုန်ဘို့၊ အစာခြေနေဘို့ စတာတွေရဲ့ ဇီဝအလုပ်တွေ အတွက် လိုအပ်ချက်ကို ပြောတာပါဘဲ။
ပျင်းတော့ ပျင်းစရာကြီး။ သင်္ချာလို ထပ်ရှင်းရအုန်းမယ်။
RMR = 9.99w + 6.25h - 4.92a + 166g-161
w = ကိုယ်အလေးချိန် ကီလိုဂရမ်၊ h = အရပ် စင်တီမီတာ၊ a = အသက် နှစ်၊ g = ကျား-မ၊ (ကျား = 1 မ = 0)
တနေ့တာ လိုမဲ့ (ကယ်လိုရီ) သိဘို့ RMR ကို 1.25 နဲ့ မြှောက်လိုက်ပါ။
ပိုပြီးစားနိုင်အောင် စားပုံစားနည်း ပြောင်းသင့်ရင် ပြောင်းရမယ်။ အဝစား ၃ ခါနဲ့ သွားရည်စာ ၂ ခါ၊ ၃ ခါ စားပါ။ ကော်ဖီ၊ လက်ဘက်ရည် သောက်မဲ့အစား၊ နွားနို့၊ သစ်သီးဖျော်ရည် သောက်ပါ။ ပေါင်မုံ့စားရင် အညိုက အဖြူထက် ပိုတယ်။ အသီးအရွက်မှာလဲ ရေများများ ပါတာမျိုးဖြစ်တဲ့ ဂေါ်ဖီ၊ ပဲစိမ်းစားဥ၊ သခွါးသီး တို့ထက် အာလူး၊ ပဲမျိုးစုံ၊ မုံလာဥနီ၊ ပြောင်းဖူး တို့ကသာတယ်။ အသီးတွေဆိုရင် လိမ်မော်၊ ပိခ်ျ၊ ဇီးသီး၊ ဖရဲသီးတွေထက် ငှက်ပျောသီး၊ သစ်တော့သီး၊ ထောပတ်သီး၊ နာနတ်သီး၊ ပန်းသီးတွေက သာတယ်။ (ဆု-ပ်)ဆိုတဲ့ ဟင်းရည်ဆိုရင် (ခရင်)ပါတာက အကြည်ရည်ထက် သာတယ်။
ဖြစ်နိုင်သမျှ အစားအသောက်တွေထဲမယ် စားသုံးဆီ ထည့်ရပါမယ်။ သံလွင်ဆီ၊ စားအုန်းဆီ၊ ထောပတ်ဆီ တို့ က နေကြာစေ့ဆီ၊ ပဲဆီတို့ထက် သာတယ်။ သာတယ်ဆိုတာ (ကယ်လိုရီ) ပိုရတာကို ပြောတာ ပါ။ ရှောင်သင့်တာတွေကတော့ ကျန်းမာရေးနဲ့ မကိုက်တဲ့ trans-fats တွေများတဲ့ (ပက်စထရီ)၊ ကိတ်၊ ကွတ်ကီး၊ ပြုပြင်ထားတဲ့ အသား-ငါး၊ (မာဂျရင်)၊ အလွယ်ဝယ်ရတဲ့ အစားအစာတွေပါ။
မဖြစ်မနေစားရမှာက (ပရိုတင်း) ဓါတ်ပါ အစာတွေ ဖြစ်တယ်။ အသားမျိုးစုံ၊ ငါးမျိုးစုံ။ စားနိုင်တဲ့ အသား အမျိုးမျိုးအပြင် (ကယ်လိုရီ) များများပါတဲ့ ထောပတ်၊ ဒိန်၊ (အောလစ်ဖ်)ဆီ၊ (ခရင်မ်)ဆိုတာတွေ ထပ်ဖြည့်ပါ။ အသားမစားသူတွေလဲ ဝနိုင်တာပါ။ ကြွက်သားတွေ မာတင်းပြီး သန်ချင်ရင်တော့ အသားစားသူများက ပိုသာပါတယ်။
စိတ်လှုတ်ရှားမှုတွေဟာ (ကလ်လိုရီ) အတော် ဖြုန်းပြစ်တယ်။ ဒါ့ကြောင့် စိတ်အေးအေးထားပါ။ လွမ်းစရာ ဝတ္တုတွေ မဖတ်နဲ့။ ဟောလိဝုဒ်က သရဲကား၊ (အေလီယန်) ကား၊ (အက်ရှင်) ကားတွေ မကြည့်နဲ့၊ ဇာတ် မနာနာအောင် ရိုက်ထားတဲ့ ကိုရီးယားကား၊ ကုလားကားတွေ မကြည့်နဲ့။ ဗမာတွေ ဒါကြောင့်ပိန်နေတာ။
စားခိုင်းတာတော့ ဟုတ်ပါပြီ၊ စားချင်စိတ် ပိုကောင်းအောင် ဘယ်လိုလုပ်မလဲ။ ဗီတာမင် B အုပ်စု ဆေးတွေ က အထောက်အပံ့ ပြုပါတယ်။ Cyproheptadine (Cypon) ဆိုတဲ့ဆေးက (အလာဂျီ) စတာတွေအ တွက် ဖြစ်ပေမဲ့ Anorexia nervosa ခေါ်တဲ့ စားချင်သောက်ချင်စိတ် နည်းနေသူတွေကိုလဲ ပေးနိုင်ပါတယ်။ ကလေးတွေဟာ နဲနဲလေး ဖြစ်လိုက်တာနဲ့ ကျသွား၊ ပိန်သွားဖြစ်တတ်တယ်။ (Cypon) တိုက်ရင်လဲ ခဏ နဲ့ ပြန်စားချင် လာကြမယ်။
နောက်တခုက အစပ်စားတဲ့လူ၊ (မဆလာ)ကြိုက်သူ၊ အချဉ်ပါမှဆိုသူတွေ ခံတွင်းတွေ့ရင် စားသာစား ပါလေ။ အစပ်တို့၊ ဟင်းခပ်အမွှေးအကြိုင်တို့ဆိုတာ စားချင်လာအောင် လုပ်ပေးတဲ့ တန်ခိုးရှိတယ်။ တရူပ်နံနံ (ကြံမဆိုင်) ခပ်ထားတဲ့ ဟင်းချိုရည်က ပိုချိုသလို မဟုတ်လား။ နှာညွန့်ကို ခြူတတ်သော ဆိုတဲ့အစားပေါ့။ ငရုပ်သီးက မတူတဲ့ အကျိုး နှစ်မျိုး ရစေပါတယ်။ အစပ်တွေဟာ (ကယ်လိုရီ) ပိုသုံးလို့ ပိန်စေတယ်။ အစပ် ပါမှ စားချင်စိတ်ပိုလို့ ဝစေမယ်။
ကိုယ်ခန္ဓာ ကြီးထွားစေတဲ့ ဟော်မုန်းဆိုတာ လူ့ဦးနှောက်ကနေ ထုတ်ပေးနေတယ်။ အလေးမသူများ ကြွက်သားတွေ သန်မာလာတာ သူ့အစွမ်းပါ။ သဘာဝ မဟုတ်ဘဲ အပိုဆောင်း ချင်သူတွေအတွက် (စတီရွိုက်) ဟော်မုန်း ဆေးတွေလဲ ရှိပါတယ်။ Human Growth hormone (HGH), Growth factors and Testosterone-based analogs ဆိုတာတွေပါ။ ဒီဆေးတွေကို အရွယ်လွန်သူ ယောက်ျားတွေ အတွက်ရော အားကစားသမားများအတွက်ပါ သုံးနေတာဖြစ်တယ်။ အိုလံပစ် ဆုတံဆိပ် ပြန်အပ်သူတွေ မနည်းတော့ဘူး မဟုတ်လား။ ဟော်မုန်းဆိုတာ အစွမ်းကြီးသလို သတိကြီးကြီးလည်းထား သုံးရတာမျိုး ဖြစ် တယ်။
ဂျပန် (ဆူမို) နပမ်းသမားနည်းက (ကယ်လိုရီ)များတဲ့ အစာတွေစား၊ အဆီ မများစေနဲ့။ (အင်စူလင်) ဆိုတဲ့ သကြားဓါတ် ထိန်းတဲ့ ဟော်မုန်းကို ဆွပေးလို့၊ (ကယ်လိုရီ) များရင် သိမ်းထားတဲ့ အဆီကို ထုတ်မသုံးစရာ မလိုတော့ဘူး။ တခါတည်း များများ စားနိုင်အောင် တချို့က မနက်စောစောစာ မစားဘဲနေတယ်။ သူလို ကိုယ်လိုတွေက တနေ့မှ ၂ဝဝဝ-၃ဝဝဝ သာ စားတယ်။ (ဆူမို) နပမ်းသမားတွေ တနေ့ကို (ကယ်လိုရီ) ၆ဝဝဝ ကနေ ၂ဝဝဝဝ အထိ စားသတဲ့။ အရက် (ဘီယာ)လဲ သောက်ပါတဲ့။ သူလို ကိုယ်လိုဘဲပေါ့။ တထိုင်ထဲ ဘီယာ ဗူး ၁ဝဝ ကုန်သူဆိုတာ ရှိဆိုဘဲ။ လေ့ကျင့်ခန်းကို ပိုပြီး၊ ပြင်းပြင်း ထံထံ၊ နေ့စဉ်မှန်မှန်၊ လုပ်တာကြောင့် စားချင်စိတ်တွေ ပိုလာစေတယ်။
ကိုယ်အလေးချိန် တိုးချင်တာနဲ့ ဟော်မုန်းဆေးကို လုံးဝမညွှန်းပါ။ မသုံးပါနဲ့။ မျက်စိအောက်မှာတင် အလွန် ဝပြီး အလှလဲပျက်၊ ရောဂါလဲဆက်ရတဲံ မိန်းကလေးတွေ ရှိတယ်။ အရပ်အခေါ် ဝက်ဆေးဆိုတာသောက် သတဲ့။ စော်ကား သလိုတော့ဖြစ်မယ်၊ တကယ် ဝက်နဲ့တူလာတယ်။ ပြန်ပြင်ယူလို့ မရတော့တဲ့ အခြေအနေ ထိ ရောက်သွားရှာကြတယ်။
Testosterone (တက်စတိုစတီရုန်း) ခေါ်တဲ့ ယောက်ျားဟော်မုန်ဆေး သုံးတာတွေ ရှိပါတယ်။ အရွယ် လွန် သွေးဆုံးပြီးနောက် အမျိုးသမီးကြီးတွေ သုံးတာက အတူနေချင်စိတ် ဆက်ထိန်ဘို့လိုမှသာ ဆရာဝန်က ညွှန်တယ်။ ကာယဗလအတွက် ကြွက်သားတွေ ယောက်ျားတွေလိုဖြစ်ဘို့မှာ လဲသုံးတယ်။
Estrongen အီစထိုဂျင်ဟော်မုန်းမှာလဲ ဘေးထွက်-ဆိုးကျိုးတွေက များတယ်။ အများသုံးတာက သွေးဆုံး ကာနီး အမျိုးသမီတွေ အတွက်သာဖြစ်တယ်။ ငယ်သူတွေမှာသုံးရင် ရာသီ မမှန်တော့ဘူး။ ကြားရက်ဆင်း မယ်။ အတူနေချင်စိတ် နည်းလာမယ်။ တချို့မှာတော့ ပိုတာလဲရှိတယ်။ မတည့်သူတွေမှာ အရေပြားမှာ အနီစက်ပေါ်နိုင်တယ်။ ရင်သား ထွားလာမယ်။ ဆိုးတာက သွေးခဲတတ်တယ်။ ဒါကြောင့် ဟော်မုန်း ၂ မျိုး တွဲပါ ကိုယ်ဝန် တားဆေးမျိုးကို အသက် ၃၅ နှစ်ကျော်ရင် မပေးသင့်ဘူး။
Deca Durabolin ဟော်မုန်းကို ရောဂါတွေ (သွေးအားနည်းရောဂါတွေနဲ့ ရင်သားကင်ဆာ) အပြင် ယော က်ျားရော မိန်းမတွေပါသုံးတာ ရှိတယ်။ ဒီဆေးမှာ ဘေးထွက်-ဆိုးကျိုးတွေက တကယ်ဆိုးတယ်။ ကိုယ်ရောင်မယ်၊ ဒါကြောင့်လူက အလေးချိန် တိုးလာမယ်။ ယောက်ျားတွေမှာ သုက်ပိုးနည်းမယ်။ ကျား အစေ့ ထိခိုက်မယ်။ ပန်းညှိုးမယ်။ ရင်သားထွားမယ်။ (ကိုလက်စထော) ကောင်းတာက နည်းပြီး မကောင်း တာက များမယ်။ သွေးဖိအားတက်မယ်။ အသဲထိခိုက်မယ်။ ဆီးကျိတ်ကြီးမယ်။
ဆရာဝန်ကောင်းတွေက အကောင်းဆုံးအကြံပေးတာရှိပါတယ်။ အမျိုးသမီး- မိန်းကလေး၊ ကိုယ်အလေးချိန် အတွက် သောက ပိုမလေးပါနဲ့။
ကျန်းမာရေးသတင်း အသစ်စက်စက်တခုက ဘာပြောလဲဆိုတော့ မျောက်တွေကို စုထားပြီး စမ်းတဲ့အခါ၊ အကောင်ကြီး တွေက နိုင်ချင်တာကြောင့် စိတ်ညစ်ရတဲ့ မျောက်တွေမှာ အဆီစုပြီး၊ ဝမ်းခေါင်း ကျယ်လာ သတဲ့။ ကောက်ချက်ဆွဲရင် စိတ်ဒုက္ခရရင် ဝတယ်ဆိုဘဲ။ နိုင်လိုမင်းထက် အနှိပ်စက်ခံနေရသူများ အတော် ဘဲပေါ့။ ဒါပေမဲ့ ဒီ သီအိုရီက လူတွေအတွက် မှားပါတယ်။ မြန်မာပြည်ဆိုရင် အမှားကြီး မှားတယ်။ စိတ်သောက များတိုင်းသာ ဝရရင်လား ဗမာပြည်မှာ (ဆူမို) သမား ချည်းသာ ဖြစ်တော့မယ်။
ချုပ်လိုက်ရင် ရောဂါကင်ရှင်း၊ ထမင်းဟင်းများများ၊ ဆေးဝါးလဲစား၊ အလေးလဲမပါခင်ဗျား။ စားနည်းလည်း သိပြီ၊ စားချင်အောင် လုပ်နည်းလည်း သိပြီ၊ စားချင်တာ စားနိုင်တဲ့ဘဝမျိုး ရဘို့ကတော့ မျောက်ဆိုး များ နှိပ်စက်တာ မခံကြပါနဲ့ ခင်ဗျား။
Cyproheptadine ဝချင်လို့ပေးတဲ့ဆေး http://dts-medicaleducation.blogspot.in/…/cyproheptadine.ht…
ဒေါက်တာတင့်ဆွေ
--------------------------------------
ကိုမျိုး(သုတစွယ်စုံ)(lwanmapyay.blogspot.com) Facebook Page Twitter Google+